इङल्याण्डमा कोरोना संक्रमण बढ्यो, पूर्वनिर्धारित योजना दुई साता स्थगित

लण्डन । इङल्याण्डमा भारइस संक्रमण बढेपछि लकडाउनलाई खुकुलो बनाउँदै जान पूर्वनिर्धारित योजना दुई सातालाई स्थगित गरिएको छ ।

बेलायती प्रधानमन्त्री बोरिस जोन्सनले आज प्रधानमन्त्रीको कार्यालयमा आयोजित पत्रकार सम्मेलनमा भोलिदेखि लागू हुने गरी पूर्वघोषणा गरिएका योजनालाई दुईसाता पर सारिएको बताए ।

उनकाअनुसार क्यासिनो, बलिङ, थियटर र कन्सर्टहरु अब छिटोमा अगष्ट १५ मा मात्र खुला हुनेछन् ।

कोरोना भाइरसको संक्रमण बढिरहेको र भाइरसलाई नियन्त्रणमा राख्न सो निर्णय लिन परेको जानकारी दिए ।

यसैगरी विवाह समारोहमा ३० जनासम्म जम्मा हुन पाउने नियम पनि अब अगष्ट १५ सम्म थाँती रहने छ ।

यस्तै अगष्ट ८ देखि मास्क म्यूजियमहरु, चर्च,मन्दिर, मस्जिद आदिमा तथा सिनेमा घरमा लगाउनै पर्ने बनाइएको छ । मास्क लगाएको नलगाएको जाँच गर्न अझै कडाइ गरिने छ ।