अभिनेता सत्रुघन सिन्हा तीसौंपटक नेपालमा

काठमाडौं । बलिउड अभिनेता एवं भारतीय पूर्वमन्त्री शत्रुघन सिंन्हाले बिहीबार पशुपतिमा ५६ हजार रुपियाँको यज्ञसहित विशेष पूजा गरेका छन् ।
पत्नी पुनम र पुराना निर्माता पहलाज निहलानीसहित बुधबार अपरान्ह काठमाडौं आएका सिन्हाले बासुकीमा पनि यज्ञ अर्चना गरेका थिए ।
नयाँ वर्षको अवसरमा पशुपति दर्शनका लागि मात्र नेपाल आएका सिन्हाले बुधवार परिवारसहित पशुपति मन्दिरमा आरती गरेका थिए ।
सिन्हाले नेपाल आउँदा निकै आनन्द आउने बताए ।

सिन्हाका अनुसार यो उनको तीसौं नेपाल भ्रमण हो ।
पशुपति मन्दिर हेर्ने अधिकृत कमलबहादुर बोगटीले भारतीय प्रधानमन्त्री नरेन्द्र मोदीको भ्रमणपछि पशुपतिमा भारतीय तिर्थ यात्रीको निकै आगमन भइरहेको जानकारी दिए ।