लन्डन । पश्चिम नेपालको बागलुङ जिल्लाका दृष्टिविहीनहरुको सहयोगार्थ ब्रिटेनमा चार नेपाली युवाले साइकल दौडमा भाग लिने भएका छन् ।
कृष्णप्रसाद पंगेनी (स्याङजा) , अर्जुन खनाल (स्याङजा), प्रकाश थापा (बुटवल) र शिव न्यौपाने (रुपन्देही) ले यही जुलाई ३१ तारिखका दिन ब्रिटिश हर्ट फाउण्डेशनद्वारा आयोजना गरिन लागेको साइकल दौडमा भाग लिन लागेका हुन् । उनीहरुले उठाएको सहयोग बागलुङका दृष्टिविहीनहरुका लागि सेतो लठ्ठी किन्न र दृष्टिविहीन विद्यार्थीहरुकालागि शैक्षिक तथा खेल सामग्री किन्न उपयोग गरिनेछ ।
दाताहरुले दिएको सबै रकम युकेमा रजिष्टर्ड च्यारिटी हेल्प नेपाल नेटवर्क युके शाखासंगको सहकार्यमा नेपाल पठाइनेछ। यो अभियानमा सघाउन इच्छुक दाताहरुले यो लिङ्कमा गएर अनलाइन डोनेशन गर्न सक्नेछन् ।
“दृष्टि नभएका कारण संसार हेर्नबाट वन्चित दृष्टिविहीनहरुकालागि सेतो लठ्ठी र शैक्षिक सामग्री किन्न थालिएको यो अभियान साह्रै प्रशंसनीय छ। यसमा मन खोलेर सघाउन म सबै नेपाली संघसंस्था र महानुभावहरुलाई आग्रह गर्दछु,” हेल्पनेपाल युकेका अध्यक्ष डा. प्रणब ज्ञवालीले भन्नुभयो। हेल्प नेपालमार्फत उठेको रकम एक पैसा पनि प्रशासनिक काममा खर्च नभै तोकेको उद्देश्यकालागि मात्रै पठाइने भएकाले ढुक्क भएर सहयोग गर्न पनि उहाँले अनुरोध गर्नुभयो।
थप जानकारीकालागि कृष्णप्रसाद शर्मालाई फोन 07415360712 वा इमेल [email protected] मा सम्पर्क गर्न पनि आयोजकहरुले अनुरोध गरेका छन्।
बेलायतवासी आङ्बुहाङको काठमाडौंमा रहेको जग्गा नक्कली धनीपुर्जा बनाएर बेच्न खोज्ने तीन पक्राउ
एनआरएनए यूकेले चन्दा उठाएर नेपाल पठायो विद्यार्थी विवेकानन्द मण्डलको शव
बेलायतमा १५ मार्चदेखि पाँचौं ‘ए स्टार नेपाल बास्केटबल लिग’, १४ टिमले प्रतिस्पर्धा गर्ने
स्कटल्याण्डविरुद्ध नेपालको जित
बेलायतमा ५.२ प्रतिशत बेरोजगारी, श्रम बजारमा दबाब
एनबीसी यूकेले २२ फेब्रुअरीमा घरेलु हिंसाविरुद्ध सचेतनामूलक वेबिनार आयोजना गर्ने, देवमान र लक्ष्मी प्रमुख वक्ता
जेन–जी विद्रोहपछि बङ्गलादेशमा पहिलो मतदान
युक्रेनलाई बेलायतको हवाई रक्षा सहयोगभूतपूर्व गोर्खा सैनिकहरुका माग सम्बोधन गर्न छलफल जारी : बेलायतको रक्षा मन्त्रालय
‘द भ्वाइस अफ नेपाल’ सिजन ७ को उपाधि नीताकुमारी थापा मगरलाई
