एन्फा कपः झापा फाइनलमा

कर्ण लिम्बुले दुई गोल गरेपछि झापा एघार सशस्त्र प्रहरी बल (एपिएफ) लाई पराजित गर्र्दै एन्फा कप फुटबल प्रतियोगिताको फाइनलमा प्रवेश गरेको छ ।
दशरथ रङ्गशालामा आइतबार सेमिफाइनल झापाले एपिएफलाई २–० गोलअन्तरले पराजित ग¥यो । झापाका लागि दुवै गोल कर्ण लिम्बुले गरे ।

पहिलो हाफको २२ औँ मिनेटमा योगेश गुरुङले करिब ३५ यार्डबाट प्रहार गरेकोे फ्रिकिक बललाई सदुपयोग गर्दै लिम्बूले गोल गरे । खेलको ८५ औँ मिनेटमा पेनाल्टीमार्फत उनले थप एक गोल गर्दै जीत सुनिश्चित गराएका थिए । जङ्बु शेर्पाले लिम्बूलाई डि यरियामा लडाएपछि झापाले पेनाल्टी पाएको थियो ।

झापा लिग विजेता मनाङ मस्र्याङ्दी क्लबलाई २–१ गोलअन्तरले पाखा लगाउँदै सेमिफाइनमा प्रवेश गरेको थियो ।

सोमबार दिउँसो एक बजे सेमिफाइनलको अन्तिम खेल त्रिभुवन आर्मी क्लबले सङ्कटा क्लबको सामना गर्नेछ । प्रतियोगिताको विजेता टोलीले १० लाख रुपैया पाउने छ ।