तीर्थयात्री बोकेको जिप रोल्पामा दुर्घटना : कम्तीमा २० जनाको मृत्यु

काठमाडौं । तीर्थयात्री बोकेको जिप रोल्पामा दुर्घटना हुँदा कम्तीमा २० जनाको मृत्यु भएको छ ।

रुकुम पूर्वबाट जाँदै गरेको जिप थबाङ गाउँपालिका–१ जलजलामा भिरबाट खस्दा कम्तीमा २० जनाको मृत्यु भएको नेपाल प्रहरीले जनाएको छ । थबाङ गाउँपालिका-१ र ४ नम्बर को सिमानामा पर्ने डाँडामा जिप दुर्घटना भएको हो । रोल्पा प्रहरीका अनुसार तीर्थयात्रीहरू जलजलामा शुक्रबार पूर्णिमाका दिन पूजापाठ गर्न रुकुमबाट आउँदै थिए ।

पानी परेकाले पनि बाटो चिप्लो भएकाले दुर्घटना भएको हुन सक्ने प्रहरीको अनुमान छ ।