लन्डन । तमु लम परिवार यूकेको विशेष बैठक विभिन्न निर्णय गर्दै सम्पन्न भएको छ ।
अध्यक्ष रामचन्द्र गुरुङको अध्यक्षतामा बसेको बैठकले संगठनात्मक संरचना सुदृढीकरण, विधान संशोधन, छोरी–चेलीको सशक्त सहभागिता तथा भावी कार्यक्रमहरू तय गरेको संस्थाका महासचिव एसके गुरुङले जानकारी दिनुभयो ।
बैठकको औपचारिक सुरुआत तमु लम परिवार यूकेका अध्यक्ष रामचन्द्र गुरुङ, सल्लाहकार गणेशबहादुर गुरुङ, विधान समितिका सदस्यहरू सुमलकुमार गुरुङ, एकेन्द्र गुरुङ, टिका गुरुङ र गणेश गुरुङले संयुक्त रूपमा दीप प्रज्वलन गरी गर्नुभएको थियो । उपाध्यक्ष युनिल पूर्णचन्द्र गुरुङले उपस्थित सम्पूर्ण कार्यसमिति सदस्यहरूलाई स्वागत गर्दै बैठकको उद्देश्य, संगठनात्मक सुदृढीकरण, समावेशिताबारे प्रकाश पार्नुभयो ।
सल्लाहकार तथा कार्यसमितिलाई प्रमाणपत्र र परिचयपत्र वितरण
कार्यक्रममा संस्थाका तर्फबाट मनोनित सल्लाहकारहरूलाई संस्थाको आधिकारिक प्रमाणपत्र प्रदान गरिएको थियो । साथै निर्वाचन समितिको तर्फबाट सम्पूर्ण कार्यसमिति सदस्यहरूलाई परिचयपत्र वितरण गरिँदै संस्थागत जिम्मेवारीको औपचारिकता पूरा गरिएको थियो ।
छोरी–चेली कार्यसमिति गठन
बैठकको एक महत्वपूर्ण उपलब्धिका रूपमा छोरी–चेली तर्फको नयाँ कार्यसमिति गठन गरिएको छ । महिलाहरूको सक्रिय सहभागिता, नेतृत्व विकास र संगठनभित्र सशक्त भूमिकालाई संस्थागत गर्ने उद्देश्यसहित निम्न पदाधिकारी तथा सदस्यहरू चयन भएका छन् ।
अध्यक्ष : बिनु गुरुङ (पसगाउँ–नाल्मा)
उपाध्यक्ष : सुकदेवी गुरुङ (पसगाउँ, मालिङ)
महासचिव : हेलिशा गुरुङ (पसगाउँ, भोजे)
कोषाध्यक्ष : तारा गुरुङ (लामा, मन्ज्याङ)
सदस्यहरू :
विधानसम्बन्धी गहन छलफल
बैठकमा संस्थाको विधानसम्बन्धी विषयमा विस्तृत र गहन छलफल गरिएको थियो । विशेषगरी सदस्यता शुल्कको विषयमा निर्णय गर्दै लम परिवारका १८ वर्ष पूरा गरेका श्रीमान् श्रीमतीको सदस्यता शुल्क: £१०० र छोरी–चेलीहरूका लागि £५० तोक्ने निर्णय गरिएको छ । अन्य विभिन्न बुँदाहरूमा उपस्थित सदस्यहरूको सुझाव र सल्लाहका आधारमा आवश्यक संशोधन गरी विधान समितिबाट आगामी साधारणसभामा प्रस्तुत गरिने निर्णय गरिएको छ ।
विशिष्ट व्यक्तित्वहरूको स्वागत तथा सम्मान
कार्यक्रममा बेलायतका विभिन्न सामाजिक संस्थाहरूमा उल्लेखनीय योगदान पुर्याएका व्यक्तित्वहरूलाई सम्मान गरिएको थियो । साथै हङकङबाट आउनुभएकी एनआरएनए आईसीसीकी महिला सचिव छोरी–चेली राधिका गुरुङ टिकालाई विशेष स्वागत तथा सम्मान गरिएको थियो । त्यस्तै नेपालबाट आउनुभएका तमु ह्युल छोँज धींका उपाध्यक्ष मनोज गुरुङलाई पनि संस्थाको तर्फबाट स्वागत तथा सम्मान प्रदान गरिएको थियो ।
उपाध्यक्षहरूलाई जिम्मेवारी बाँडफाँड
संस्थाको कार्यसञ्चालनलाई प्रभावकारी बनाउन चार जना उपाध्यक्षहरूलाई छुट्टाछुट्टै जिम्मेवारी तोकिएको छ ।
सदस्य सुविधा सम्बन्धी जानकारी
महासचिव एस.के. गुरुङले संस्थाका सदस्यहरूलाई विभिन्न व्यवसायिक संस्थाबाट उपलब्ध हुने सुविधाबारे जानकारी दिनुभयो । उहाँका अनुसार पानस रेस्टुरेन्ट (अल्डरशट), डी लाउञ्ज (अल्डरशट), चाइना ओरिएन्टल (अल्डरशट), बेसिङस्टोक मार्ट, मोमो किङ (स्विन्डन) तथा तीर्थिना कलेक्सनले तमु लम परिवार यूकेका सदस्यहरूलाई विशेष सुविधा उपलब्ध गराउनेछन् ।
बैठकमा तमु लम परिवारका सदस्यहरूको बाक्लो उपस्थिति रहेको थियो । बैठकको व्यवस्थापन, खाना तथा अन्य सुविधाको जिम्मेवारी कोषाध्यक्ष कमल गुरुङ र कार्यसमितिका सदस्यहरूले सम्हाल्नुभएको थियो । सुरक्षा व्यवस्थापनको जिम्मेवारी सचिव दलबहादुर गुरुङले निर्वाह गर्नुभएको थियो भने सम्पूर्ण कार्यक्रम महासचिव एस.के.ले सञ्चालन गर्नुभएको थियो ।
अध्यक्ष रामचन्द्र गुरुङले उपस्थित सम्पूर्ण कार्यसमिति सदस्यहरूलाई सक्रिय सहभागिता र सहयोगका लागि धन्यवाद ज्ञापन साथै संस्थालाई अझ सशक्त, समावेशी र व्यवस्थित बनाउँदै लैजाने प्रतिबद्धता व्यक्त गर्नुभयो । तमु लम परिवारको आगामी बृहत् भेला तथा भेटघाट (पार्टी) अक्टोबर १०, २०२६ का दिन आयोजना हुने भएकोले सम्बन्धित सबैमा जानकारी गराउँदै उहाँले बैठक समापनको घोषणा गर्नुभयो ।
तमु लम परिवार यूकेको विशेष बैठक, यस्ता छन् निर्णयहरु
जासुसी आरोपमा बेलायती कूटनीतिज्ञ निष्कासित
नेपाली कांग्रेसका सभापतिमा गगनकुमार थापा निर्विरोध निर्वाचित
बङ्गलादेशमा निर्वाचन अघि आगमन भिसा निषेध
नेपाली कांग्रेसका दुई महामन्त्री थापा र शर्मालगायतमाथि कारबाही
एनआरएनए-एआईयू एमबीबीएस छात्रवृत्ति कविलवस्तुका सचिन र चितवनकी भावनालाई दिने घोषणा
चर्चित गायक तथा अभिनेता प्रशान्त तामाङको निधन
बर्लिनाले ट्यालेन्टमा नेपालका चार प्रतिभा छनोट
रास्वपासँगको एकता १२ दिनमै तोडिएपछि उज्यालो नेपाल पार्टीको अध्यक्षमा घिसिङ
झापाली समाज यूकेमा नयाँ कार्यसमिति चयन, अध्यक्षमा टंक भट्टराई
