एनआरएनएको १२औँ अन्तर्राष्ट्रिय महाधिवेशन आगामी फेब्रुअरी तेस्रो साता

लन्डन । गैरआवासीय नेपाली संघ (एनआरएनए)को १२औँ बृहत् अन्तर्राष्ट्रिय महाधिवेशन तथा निर्वाचन आगामी फेब्रुअरी तेस्रो साता हुने भएको छ ।

एनआरएनएको बृहत् एकतापश्चात् गठित स्टेरिङ कमिटीको २०८२ मंसिर २८ गते (तदनुसार डिसेम्बर १४, २०२५), आइतबार बसेो दोस्रो बैठकले सन् २०२६ फेब्रुअरी २३, २४ र २५ तारिखमा महाधिवेशन गर्ने निर्णय गरेको हो । बैठकले राष्ट्रिय समन्वय समितिहरूको एकता सहजीकरणका लागि केन्द्रमा गंगाधर गौतमको संयोजकत्वमा पाँच सदस्यीय समिति गठन गरेको छ । जसमा
क) संयोजक: गंगाधर गौतम
ख) सह-संयोजक: टीका गुरुङ (राधिका)
ग) सदस्य: चिरञ्जीवी खड्का
घ) सदस्य: नारायण काफ्ले
ङ) सदस्य: शनि ओली

२. गैरआवासीय नेपाली संघको १२औँ बृहत् अन्तर्राष्ट्रिय महाधिवेशन तथा निर्वाचन आगामी फेब्रुअरी २३, २४ र २५, २०२६ मा आयोजना गर्ने।

३. बृहत् एकतासम्बन्धी क्षेत्रीय अन्तरक्रिया तथा संवाद कार्यक्रम निम्नानुसार सञ्चालन गर्नेः
क) डिसेम्बर १९ : मध्यपूर्व तथा अफ्रिका क्षेत्र
ख) डिसेम्बर २० : एसिया प्रशान्त तथा ओसिनिया क्षेत्र
ग) डिसेम्बर २१ : अमेरिकाज तथा युरोप क्षेत्र
४. पाँच सदस्यीय मेम्बरसीप समितिमा २ जना थप गरी ७ सदस्यीय बनाउने।
५. स्टेरिङ कमिटीका सम्पूर्ण सदस्यहरूले प्रतिवद्धता पत्रमा हस्ताक्षर गर्नुपर्ने प्रावधानअनुसार आगामी स्टेरिङ कमिटी बैठकसम्म हस्ताक्षर गरिसक्नुपर्ने र हस्ताक्षर नगर्ने सदस्यहरूले आगामी बैठकमा सहभागिता जनाउन नपाउने ।

बैठकले गैरआवासीय नेपाली संघका सम्बन्धित सबै पक्ष, राष्ट्रिय समन्वय परिषदहरू साथै विश्वभर छरिएका सम्पूर्ण गैरआवासीय नेपाली समुदायलाई संघको १२औँ अन्तर्राष्ट्रिय महाधिवेशनलाई ऐतिहासिक रूपमा सफल बनाउन आ–आफ्नो स्थानबाट जिम्मेवार र सक्रिय सहयोग गर्न आह्वान गरेको छ।

महाधिवेशनको सफल आयोजना सुनिश्चित गर्न आवश्यक तयारी, समन्वय तथा कार्यान्वयनका कामहरू तत्काल सुरु गर्नसमेत बैठकले आग्रह गरेको आइतबार महासचिवद्वय गौरीराज जोशी र बी.आर लामाले जारी गर्नुभएको विज्ञप्तिमा उल्लेख छ ।