बेलायतको वेलिङटन वार्डमा डा.विशाल गुरुङ काउन्सिलर पदको उम्मेदवार

लन्डन । बेलायतको अल्डरसटमा विगत ९ वर्षदेखि बस्दै आउनुभएका समाजसेवी डा.विशाल गुरुङ वेलिङटन वार्डमा काउन्सिलर पदको उम्मेदवार बन्नुभएको छ ।

गुरुङ कन्जर्भेटिभ पार्टीको तर्फबाट वेलिङटन वार्डको काउन्सिलर पदमा उम्मेदवार बन्नुभएको हो । ‘नेपालको स्याङ्जा जिल्ला घर भई करिब ९ वर्षदेखि बेलायतलाई कर्मथलो बनाएर अल्डरसटमा बस्दै आएको छु । यहाँ बस्दै गर्दा कहिलेकाहीं काउन्सिल र स्थानीय निकायका प्रतिनिधिहरूसँग भेट्ने मौका पाउँदा, हाम्रो समाज र यहाँका निकायहरूबीच अझ सहकार्य गर्न सकिने धेरै सम्भावना रहेको महसुस भयो,’ उहाँले भन्नुभयो । अब त्यो सहकार्यलाई अझ बलियो बनाउन, सरकारी सेवासुविधा र अवसरहरू नेपाली समुदायसम्म पुर्‍याउन र यहाँका बेलायती साथीहरूसँग आत्मीय र सांस्कृतिक सम्बन्ध मजबुत बनाउँदै हाम्रो अल्डरसटलाई अझ सुन्दर; विभिन्न रङका फूलहरूले बुनेको माला जस्तै बनाउनका लागि म कन्जर्भेटिभ पार्टीको तर्फबाट वेल्लिन्टन वार्डको काउन्सिलर पदमा उम्मेदवार बनेको छु ।’

उहाँले वेलिङटन वार्डमा बसोबास गर्ने बुबाआमा, दाजुभाइ तथा दिदीबहिनीहरूमा आगामी चुनावमा आफूलाई भोट दिई भारी मतले विजयी गराइदिन फेसबुकमार्फत अनुरोध गर्नुभएको छ ।

नेपाली समाज र बेलायतका निकायहरूबीच अझ सहकार्य गर्न, सरकारी सेवासुविधा र अवसरहरू नेपाली समुदायसम्म पुर्‍याउन र यहाँका बेलायती साथीहरूसँग आत्मीय र सांस्कृतिक सम्बन्ध मजबुत बनाउँदै अल्डरसटलाई अझ सुन्दर बनाउने उद्देश्यअनुरुप आफू काउन्सिलर उम्मेदवार बनेको उनले प्रस्ट पार्नुभएको छ ।

डा. गुरुङ तमु धीं यूकेको महासचिव,ग्रेटर रसमूर नेप्लिज कम्यनिटी यूकेको उपाध्यक्षलगायत विभिन्न संघ संस्थामा आबद्ध हुनुहुन्छ ।