पाँचथर समाज सेवा यूकेको नयाँ नेतृत्वका लागि २८ सेप्टेम्बर मध्याह्न १२ बजेसम्म उम्मेदवारी दर्ता

लन्डन । पाँचथर समाज सेवा यूकेको नवौं महाधिवेशनअन्तर्गत नयाँ नेतृत्वका लागि २८ सेप्टेम्बर मध्याह्न १२ बजेसम्म उम्मेदवारी दर्ताको समय दिइएको छ ।

नरप्रसाद थाम्सुहाङ अध्यक्ष रहेको निर्वाचन समितिले आइतबार प्रकाशित गरेको निर्वाचन तालिका अनुसार २५ सेप्टेम्बर बिहान १० बजेदेखि २८ सेप्टेम्बर मध्याह्न १२ बजेसम्म उम्मेदवारी दर्ताको समय उल्लेख छ । उम्मेदवारी फिर्ता लिने समय २८ सेप्टेम्बर दिनको साढे १२ बजेसम्म, उम्मेदवारको योग्यता छानबिन गरी सम्बन्धित उम्मेदवार योग्य भएको वा आवश्यक थप कागजात चाहिने विषयमा जानकारी सोही दिन दिउँसो १ बजेभित्र दिइने छ ।

मतदाता नामावली पाँचथर समाज सेवा युकेको केन्द्रीय कार्यसमिति उपलब्ध गराएअनुसार सार्वजनिक गरिने, पाँचथर समाज सेवा यूकेको नवौं महाधिवेशन यही २८ सेप्टेम्बर दिउँसो साढे १ बजेबाट बेलुकी ५ बजेसम्ममा अल्डरसटस्थित सुसी मोटो रेस्टुरेन्टमा तोकिएको छ ।

उम्मेदवारी दर्ता गर्न चाहनेले [email protected] इमेलमार्फत पेस गरी ०७४५४०१९६९७ मा सम्पर्क गर्नुपर्ने र आवेदन दिँदा उपरोक्त उम्मेदवारको योग्यता सम्बन्धमा उल्लेख गरिएको कागजातहरु इमेलमार्फत अनिवार्य पेस गर्नुपर्ने छ । कागजातको हार्ड कपी २८ सेप्टेम्बर १२ बजेभित्र निर्वाचन समितिलाई पेस गरिसक्नु पर्ने पनि निर्वाचन तालिकामा उल्लेख छ ।

पाँचथर समाज सेवा यूके निर्वाचन समितिमा अध्यक्ष नरप्रसाद थाम्सुहाङ, सचिव छबि सेलिङ र धन काम्बाङ सदस्य रहनुभएको छ ।