नेपाल पत्रकार महासंघकी अध्यक्ष शर्मा बेलायतमा

लन्डन । नेपाल पत्रकार महासंघकी अध्यक्ष निर्मला शर्मा बेलायत आउनुभएको छ । उहाँ नेपाल पत्रकार महासंघ बेलायत शाखाको १४औं स्थापना दिवस तथा वार्षिक साधारणसभामा सहभागी हुन लन्डन आउनुभएको हो ।

शुक्रबार लन्डनस्थित हिथ्रो एयरपोर्टमा ओर्लिनुभएका उहाँलाई एफएनजे यूकेको टोलीले स्वागत गरेको छ । उहाँको स्वागतका लागि एफएनजे यूकेकी अध्यक्ष बिमला सेने, संस्थापक अध्यक्ष नविन पोखरेल, वरिष्ठ उपाध्यक्ष नरेन्द्र बस्नेत, उपाध्यक्ष शिव भण्डारी र महासचिव खेमराज रानाभाटलगायतका पदाधिकारीहरू एयरपोर्ट पुग्नुभएको थियो ।

संघको स्थापना दिवस तथा साधारणसभा यही आइतबार, ३ अगस्ट २०२५ मा अल्डरसटस्थित एम्पायर हलमा हुनेछ । कार्यक्रममा बेलायतस्थित नेपाली सञ्चारकर्मीहरू, समुदाय प्रतिनिधिहरू तथा अतिथिहरूको उपस्थिति रहने छन् ।