भाइरल बालगायक सचिन परियारको निधन

काठमाडौँ । भाइरल बालगायक सचिन परियारको निधन भएको छ ।

महाराजगञ्जस्थित टिचिङ अस्पतालमा उपचारको क्रममा परियारको बिहीबार बिहान निधन भएको अस्पताल स्रोतले जनाएको छ । गुल्मी घर भएका परियार पछिल्लो समय कम्मरमुनिको भाग नचल्ने समस्याका कारण थलिनुभएको थियो ।

सचिनले थुप्रै गीत गाउनुभएको छ भने अभिनेता राजेश हमालसँग एक म्युजिक भिडियो अभिनय गर्नुभएको थियो ।

हास्य श्रृखला ‘मेरी बास्सै’मा पनि अभिनय गर्नुभएको ‘रातो रबर एक’, ‘रुमाल खस्छकी’, ‘के छ र हजुर’, ‘बरको छाँयाले’लगायत गीत चर्चित छन् ।