अमेरिकामा गाडीले भीडलाई ठक्कर दिँदा कम्तीमा १० जनाको मृत्यु, ३० घाइते

न्यूयोर्क । अमेरिकी शहर न्यु अर्लिन्समा सवारी साधनले भीडलाई ठक्कर दिँदा कम्तीमा १० जनाको मृत्यु भएको छ । ३० जना घाइते भएका छन् ।

एउटा ठूलो भीडमाथि सवारी साधनले ठक्कर दिँदा उक्त घटना भएको न्यु अर्लिन्स आपत्कालीन तयारी कार्यक्रम, एनओएलए रेडीले जनाएको छ । आपत्कालीन अधिकारीहरूले घटनाको समय उल्लेख गरेनन् तर फ्रेन्च क्वार्टर भनिने त्यो क्षेत्रमा नयाँ वर्षको उत्सव मनाउने मानिसहरूको घुइँचो हुने गर्दछ ।

एउटा ट्रकले ‘उच्च गतिमा’ भीडलाई ठक्कर दिएपछि त्यसको चालक बाहिर हाम फालेर हतियार चलाउन थालेको र प्रहरीले पनि जवाफी फायर गरेको प्रत्यक्षदर्शीहरूलाई उद्धृत गर्दै अमेरिकी सञ्चार माध्यम सिबिएस न्युजले जनाएको छ ।