भारतका पूर्वप्रधानमन्त्री मनमोहन सिंहको ९२ वर्षको उमेरमा निधन

लन्डन । भारतका पूर्वप्रधानमन्त्री तथा अर्थशास्त्रविद् डा. मनमोहन सिंहको ९२ वर्षको उमेरमा निधन भएको दिल्लीको अल इन्डिया इन्स्टिच्युट अफ मेडिकल साइन्सेस (एम्स) ले जनाएको छ । बिहीबार अचानक स्वास्थ्य बिग्रिएपछि सिंहलाई एम्समा भर्ना गरिएको थियो ।

एम्स अस्पतालले सिंहको बिहीबार राति निधन भएको पुष्टि गर्दै विज्ञप्ति जारी गरेको छ । सिंहले सन् २००४ देखि २०१४ सम्म शासन गर्नुभएको थियो ।

सन् २०१४ मा प्रधानमन्त्रीको पदबाट अवकाश लिएपछि उहाँ भारतको माथिल्लो सदन राज्यसभा सदस्यको रूपमा सक्रिय रहनुभएको थियो ।