तनहुँ समाज युकेको वार्षिक भेटघाट जुन २२ मा

लण्डन । तनहुँ समाज युकेको ग्रीष्मकालिन वार्षिक भेटघाट जुन २२ शनिबारका दिन फार्नब्रोमा हुने भएको छ ।

सामुयल कोडी स्पोर्टस कलेजमा हुने सो भेटघाटमा नेपालबाट आएका कलाकारहरू राजु ढकाल, सम्झना लामिछाने र सविता परियारले गाउने छन् भने अस्मिता रानाले नृत्य प्रस्तुत गर्ने बताइएको छ । साथमा बेलायतमै रहेका तनहुँका चर्चित कलाकारहरू मनसुधन थापा, पवन रानाले पनि कार्यक्रमलाई मनोरन्जनात्मक बनाउने छन् ।

बेलायतका स्थानीय कलाकारहरू सविता राना, रोनिशा आलेले पनि कार्यक्रममा प्रस्तुति दिने बताइएको छ ।

तनहुँ समाज युकेले हरेक वर्षको समरमा बेलायतमा रहेका तनहुँबासीहरुबीच वार्षिक भेला आयोजना गर्दै आएको छ । यसवर्षको भेला १७औँ भेला रहेको अध्यक्ष केशरबहादुर रानाले बताए ।