ठगीको आरोपमा किराया युकेका अध्यक्ष मेजर योगेश राई पक्राउ

काठमाडौँ । वैदेशिक रोजगारीका लागि बेलायत पठाइदिने भन्दै रु ३४ लाख २३ हजार तीन सय ठगी गरेको आरोपमा किरात राई यायोख्या बेलायतका अध्यक्ष मेजर रिटायर्ड योगेश राई पक्राउ परेका छन् ।

जिल्ला प्रहरी परिसर काठमाडौँले राईलाई आज सार्वजनिक गरेको हो । प्रवक्ता एवं प्रहरी उपरीक्षक नवराज अधिकारीका अनुसार रोहित श्रेष्ठ र जिवेन्द्र श्रेष्ठलाई वैदेशिक रोजगारीका लागि बेलायत पठाइदिने भन्दै मेजर राईले रु ३४ लाख २३ हजार तीन सय ठगी गरेको आरोपमा प्रहरी वृत्त महाराजगञ्जको टोलीले पक्राउ गरेको हो । पक्राउ परेका निज राईमाथि गरी जिल्ला प्रहरी परिसर काठमाडौँबाट थप अनुसन्धान भइरहेको प्रवक्ता अधिकारीले बताउनुभयो ।

राई बेलायतमा स्थापित व्यक्ति हुन् । उनी किरात राई यायोख्या बेलायतका अध्यक्षका साथै माओवादी केन्द्र निकट नेपाली जनप्रगतिशील मन्च बेलायतका सल्लाहकार हुन् भने बेलायतमा रहेका नेपाली सुनचाँदी व्यवसायीहरुको संगठनका पनि अध्यक्ष हुन् ।