लण्डन । बेलायतको याल्डिङ्मा किरात याक्थुङ् चुम्लुङ् यूकेको आयोजनामा १५ औ यलम्बरहाङ् कप सम्पन्न भएको छ ।
सो प्रतियोगितामा मेन टिममा १६, भेट्रान टिममा ८ र सुपर भेट्रानमा ४ टिमले भाग लिएका थिए । मेनतर्फ टिडवर्थ वरियर्स र क्यूजी सिग्नल्स फाईनलमा भिडन्त गरेका थिए र सो भिडन्तबाट क्यूजी सिग्नल्स विजेता र टिडवोर्थ वरियर्स उपबिजेता भए ।
मेन अफ बेस्ट खेलाडी मौसम राई क्यू जी सिग्नल्स र बेस्ट गोल स्कोर गर्नेमा चेत गुरुङ् एफसी तोङ्बा भए । विजयी टिमले १ हज़ार पाउण्ड र उपविजयी टिमले ५ सय पाउण्ड नगद राशी प्राप्त गरे ।
भेट्रान टिमबाट क्यूजी मास्टर र ईन्टेक ०४ फाईनलमा भिडन्त गरेका थिए र सो भिडन्तबाट क्युजी सिग्नल्स विजयी भयो भने टिडवोर्थ वरियर्स उपविजेता भयो । बेस्ट खेलाडी बिकास देवान क्यूजी मास्टर र बेस्ट गोल गर्नेमा सोम थापा ईन्टेक ०४ भए । विजयी टिमले ६ सय पाउण्ड र उपविजयी टीमले ३०० पाउण्ड नगद प्राप्त गरे ।
सुपर भेट्रान टिमबाट धरान एफसी र ईलाम एफ्सी फाईनलमा भिडन्त गरेका थिए र सो खेलमा ईलाम एफसी ईलाम विजेता र धरान एफसी उपविजेता भए । बेस्ट खेलाडी लोक लिम्बु ईलाम एफसी र बेस्ट गोलर लेख राई ईलाम एफसी भए । विजयी टिमले ६०० पाउण्ड नगद र उपबिजयी टिमले ३०० पाउण्ड नगद प्राप्त गरे ।
