लण्डन । चाथाम केन्टमा नयाँ नेपाली रेष्टुराँ शुरु भएको छ ।
चाथाम न्यूरोडमा रहेको गोर्खा फायर रेष्टुराँको स्थानीय मेडवे काउन्सिल मेयर नीना गुरुङले एक समारोहका बीच सो रेष्टुराँको उद्घाटन गर्नुभएको हो ।
सो रेष्टुराँमा केशव कँडेल र राजु कँडेलको लगानी रहेको छ । दुवै जना पेशाले सेफ हुन् । उनीहरुले लण्डनको नामुद डिसुम रेष्टुराँमा काम गरिसकेका छन् ।
पहिलेको बारुण यन्त्र रहेको ठाउँमा उनीहरुले रेष्टुराँ शुरु गरेका हुन् । बारुण यन्त्र रहेको स्थान लामो समय बन्द रहेको थियो । त्यसपछि मेडवे काउन्सिलले लाखौँ पाउण्ड लगानी गरी व्यापारिक प्रयोजनका लागि २०१९ मा खुला गरेको थियो ।
“हामीहरुको हालसम्मको सोख र अनुभवबाट हाम्रा ग्राहकलाई उत्तम सेवा दिने छौँ”, कँडेलद्वयले भने । अहिलेसम्म पाएको ग्राहकको प्रतिक्रियाबाट आफूहरु उत्साहित भएको र आफूहरुको खाना र सेवाले यो क्षेत्रमा केही विशेष ल्याउनेमा उनीहरुले विश्वास व्यक्त गरे ।
