काठमाडौँ । बेलायतको दक्षिण पूर्वी लण्डनमा अवस्थित डायमण्ड बुद्धिष्ट सेन्टर (डिबीसी) युकेले जाजरकोटका भूकम्प पीडितका लागि संकलन गरेको राहत रकम प्रधानमन्त्री पुष्पकमल दाहाललाई आज हस्तान्तरण गरेको छ ।
प्रधानमन्त्री कार्यालयमा डिबीसीका संस्थापक अध्यक्ष तथा संरक्षक सुमलकुमार गुरुङ र महासचिव हेम छन्त्यालले प्रधानमन्त्री दाहाललाई तीन लाख रुपैयाँको चेक हस्तान्तरण गर्नुभयो ।
यसैबखत छन्त्याल संघ यूकेद्वारा भूकम्प पीडितका लागि उठाइएको १ लाख ५० हजार रुपैयाँको चेक पनि छन्त्याल संघ नेपालका अध्यक्ष मोहन छन्त्याल र छन्त्याल संघ बेलायतका अध्यक्ष हेम छन्त्यालद्वारा प्रधानमन्त्री दाहाललाई हस्तान्तरण गरिएको थियो ।
डिबीसी युकेका संस्थापक अध्यक्ष तथा संरक्षक सुमलकुमार गुरुङले प्रधानमन्त्रीलाई सानै सहयोग भए पनि भौतिक रुपमा भेटेर हस्तान्तरण गर्न पाउँदा खुसी लागेको बताएका थिए भने जवाफमा प्रधानमन्त्री दाहालले यो सदासयता र पींडितहरुप्रतिको सहयोग गर्ने ठूलो स्पिरिट रहेको बताएका थिए ।
