बेलायतमा मुद्रास्फिति फेरि बढ्यो

लण्डन । बेलायतमा डिसेम्बर महिनामा फेरि मुद्रास्फिति बढेको छ ।
अफिस फर न्याशनल स्टाटिटिक्स (ओएनस)ले बुधबार सार्वजनिक गरेको तथ्यांकअनुसार सो डिसेम्बर ४ प्रतिशत मुद्रास्फिति रहेको थियो ।
अर्थशास्त्रीहरुले डिसेम्बरमा मुद्रास्फिति ३.८ प्रतिशत रहने अनुमान गरेका थिए । यसअघि नोभेम्बरमा सो मुद्रास्फिति ३.९ प्रतिशत रहेको थियो ।
ओएनएसका अर्थशास्त्रीहरुका अनुसार चुरोट र मदिराजन्य सामग्रीमा भएको मूल्यवृद्धिका कारण मुद्रास्फिति बढेको हो ।
यद्यपि विज्ञहरुले सन् २०२४ मा बेलायतमा मुद्रास्फिति घट्ने र बैँकको ब्याजदर पनि घट्ने अनुमान गरेका छन् । अहिले बैँक अफ इंग्ल्याण्डले तोकेको बेस रेट ५.२५ प्रतिशत रहेको छ ।
डिसेम्बर अघि बेलायतको मुद्रास्फिति विज्ञहरुले अनुमान गरेभन्दा पनि तीव्र गतिमा घटेको थियो ।
अर्थशास्त्रीहरुले डिसेम्बरमा मुद्रास्फिति आशा गरेअनुसार नघटे पनि यसबाट चिन्तित हुनुपर्ने अवस्था नरहेको बताएका छन् ।