लण्डन । बेलायतमा नोभेम्बर महिनामा मुद्रास्फिति अपेक्षा गरिएभन्दा बढी घटेको छ ।
बेलायतको राष्ट्रिय तथ्यांक कार्यालयले बुधबार प्रकाशन गरेको तथ्यांकअनुसार नोभेम्बरमा बेलायतको मुद्रास्फिति ३.९ प्रतिशत रहेको थियो । यसअघि अक्टोवर महिनामा सो दर ४.६ प्रतिशत रहेको थियो ।
रोयटरका अर्थशास्त्रीहरुले नोभेम्बरमा बेलायतको मुद्रास्फिति ४.४ प्रतिशत रहने पूर्वानुमान गरेका थिए ।
विश्लेषकहरुले इन्धनको मूल्यमा आएको कटौतीका कारण मुद्रास्फिति घटेको विश्लेषण गरेका छन् ।
मुद्रास्फितिमा आएको गिरावटको वावजुद पनि सामानहरुको मूल्य भने बढिरहेको पाइएको छ । तथापि मूल्यवृद्धिको दर सुस्त रहेको छ भने केही वस्तुहरुको मूल्य घटेको पाइएको छ ।
मुद्रास्फिति घटे पनि वर्तमान प्रधानमन्त्री ऋषि सुनकले तय गरेका पाँच प्राथमिकतामध्ये मुद्रास्फितिलाई २ प्रतिशतमा झाने सरकारको लक्ष्य भने पूरा हुन डिसेम्बर महिनाको तथ्यांक कुर्नपर्ने भएको छ । यद्यपि सो लक्ष्य हासिल हुनेमा अर्थशास्त्रीहरुले आशंका व्यक्त गरेका छन् ।
