नेपाली प्रतिभा प्रतिष्ठानमा टङ्क वनेम

लण्डन । नेपाली प्रतिभा प्रतिष्ठान बेलायतको अध्यक्षमा टङ्क वनेम निर्वाचित भएका छन् ।
प्रतिष्ठानको शनिबार सम्पन्न पाँचौँ अधिवेसनले वनेमको अध्यक्षतामा नयाँ कार्यसमिति चयन गरेको हो ।
नवनिर्वाचित कार्यसमितिमा मिजास तेम्बे र देवेन्द्र खेरेस उपाध्यक्ष, चोक गुरुङ महासचिव, निर्मला परिवेश राई कोषाध्यक्ष र अन्जु अन्जली सचिव रहेका छन् । सदस्यहरूमा दयाकृष्ण राई, रक्ष राई, गणेश राई, नरेश नाति र दीपा लिम्बू राई निर्वाचित भएका छन् ।
प्रवासमा नेपाली साहित्य, कला, संगीतको प्रवर्धन र जगेर्ना गर्ने उद्देश्यले सन् २००८ मा सो प्रतिष्ठानको स्थापना भएको हो ।