३९ वर्षीय ग्यारेथ लियोन बने रसमोर काउन्सिलको नयाँ लिडर

लण्डन । बेलायतमा नेपालीहरूको सबैभन्दा धेरै बसोबास रहेको काउन्सिल रसमोर काउन्सिलको नयाँ लिडरमा ग्यारेथ लियोन निर्वाचित भएका छन् ।

तत्कालिन लिडर डेभिड क्लिफोर्डले राजिनामा दिएपछि लियोन नयाँ लिडरमा चयन भएका हुन् । उनी सो काउन्सिलको इतिहासमै सबैभन्दा कान्छा लिडर हुन् ।

वेष्ट हिथ वडाका काउन्सिलर लियोन यसअघि इम्प्रेस वडाबाट ११ वर्ष काउन्सिलर रहेका थिए । उनीसित स्वास्थ्य तथा सामाजिक हेरचाह, प्रविधि, इन्जिनियरिङ, शिक्षा, आवास र विद्युतीय नीति र सन्चार क्षेत्रमा काम गरेको अनुभव छ ।

नयाँ नेता चयन भएपछि उनले तीन विषयलाई प्राथमिकतामा राखेका छन् । पहिलो टाउन सेन्टरलाई पूर्णता दिने, दोस्रो छरछिमेक र पार्कहरुलाई सफा स्वच्छ राख्ने र तेस्रो समुदायको सशक्तीकरण ।

रसमोरमा कन्जरभेटिभ पार्टीको बहुमत रहेको छ ।