लण्डन । बेलायतस्थित नेपालीहरुको सबैभन्दा पुरानो संस्था यति नेपाली एशोसियसन यूकेको राष्ट्रिय महाधिवेसन गर्न गठित निर्वाचन समितिलाई विस्तार गरिएको छ ।
निर्वाचन समितिको शुक्रबार बैठकले समितिलाई विस्तार गरी छ सदस्सीय बनाइएको छ ।
समितिमा अन्तर्राष्ट्रिय धादिङ समाजका अध्यक्ष राजन खकुराल, कोडेक युकेका पुर्व अध्यक्ष शंकर दाहाल र समाजसेवी मीन बानियाँलाई थप गरिएको छ । यसअघि पूर्व अध्यक्ष उमेशराज मोक्तान संयोजक, आर के त्रिपाठी सदस्यसचिव र राजेन्द्र पुडासैनी सदस्य रहेको निर्वाचन समिति गठन गरिएको थियो ।
निर्वाचनलाई स्वच्छ, निस्पक्ष र पारदर्शी बनाउन निर्वाचन पर्यवेक्षण समिति पनि विस्तार गरिएको छ । पर्यवेक्षण समितिमा डा राघवप्रसाद धिताल, चित्रबहादुर गुरुङ, सुमन खरेल, सुरेशजंग साह, युवराज गुरुङ, विनोद मोक्तान, मोहन गुरुङ, शिवजी श्रेष्ठ, कृष्ण तिवारी, रामशरण सिम्खडा, शेर सुनार, महेश दाहाल, विजय थापा र मदन थापा रहेका छन् ।
६० वर्ष लामो इतिहास बोकेको यतिको फेब्रुअरी ५ मा हुने २९ औँ राष्ट्रिय अधिवेशनबाट नयाँ कार्यसमिति चयन हुने छ । नयाँ कार्यसमितिका लागि हुने चुनावमा मतदान गर्न र उम्मेदवार बन्न समयमै सदस्यता फारम भर्न निर्वाचन समितिले आह्वान गरेको ।
पश्चिम लन्डनको साउथ ह्यारोमा गोल्डेन सिप रेस्टुरेन्ट सम्पन्न हुने अधिवेसनमा सहभागी हुन निर्वाचन समितिले बेलायतस्थित सम्पूर्ण संघ सस्थाका प्रतिनिधिहरुलाई अपिल गरेको छ ।
