खैरेनीटार सेरोफेरो परिवार युकेको वार्षिक भेटघाट

लण्डन । खैरेनीटार (तनहुँ) सेरोफेरो परिवार युकेको वार्षिक भेटघाट आइतबार सम्पन्न भएको छ ।

दक्षिणपूर्वी लण्डनको वेलिङस्थित सेन्ट माइकल चर्चमा आयोजित सो कार्यक्रममा संस्थापक सल्लाहकार मोहन गुरुङले उपस्थित सबैलाई हार्दिक स्वागत गरेका थिए । यसैगरी, अध्यक्ष किसन गुरुङले वार्षिक भेटघाट कार्यक्रम तथा संस्थाका बारेमा जानकारी गराएका थिए ।

सो अवसरमा नेपालबाट बेलायत भ्रमणमा आएका पाहुनाहरूलाई स्वागत गरिएको थियो । यस्तै, डेनमार्कबाट आउनुभएका पाहुना मिकल्सनले नेपाली समुदायसित ३० वर्षदेखि जोडिन पाएकोमा खुशी लागेको बताए ।

कार्यक्रममा विभिन्न मनोरन्जनात्मक खेल तथा साँस्कृतिक कार्यक्रम पनि गरिएको थियो । महिलाहरूका लागि गरिएको म्यूजिकल चेयरमा हमा श्रेष्ठ पहिलो र मीना गुरुङ दोस्रो भएका थिए । म्यूजिक चेयरको पुरस्कारको प्रायोजन कमला राना र गोबर्धन रानाले गरेका थिए । यस्तै, राफल ड्र अंजु गुरुङ, गुनकेशरी गुरुङ, किशोर थापा, प्रेम गुरुङ, सीता गुरुङ, काजी गुरुङले जितेका थिए । राफल ड्रको प्रायोजन होमबहादुर-बसुमाया थापा,  किसन-युवा गुरुङ, चुनक-चन्द्रा गुरुङ, काजी गुरुङ, लाल-निर्मला थापा, मोहन-बनु गुरुङ, मोहन-सरिता गुरुङ र राजेन्द्र-हेमा रानाले गरेका थिए । राफल ड्र कार्यक्रमको सन्चालन सरिता गुरुङ र निर्मला थापाले गरेका थिए ।

कार्यक्रममा चन्द्र गुरुङ, प्रवीण गुरुङ, पूनम गुरुङ, नील पुनलगायतले गीत प्रस्तुत गरेका थिए ।

भेलामा पेयपदार्थ जसुदा गुरुङ रेडिङले गरेकी थिइन् । कार्यक्रमको संचालन कमला रानाले गरेकी थिइन् । कोषाध्यक्ष गोबर्धन रानाले ३ हजार ८० पाउण्ड ५७ पेन्स कोषमा रहेको जानकारी गराएका थिए ।  

करिब ७० जना सहभागी भएको सो भेटघाटले अर्को वर्षको वार्षिक भेटघाट शनिबार डिसेम्बर २, २०२३ गर्ने तय गरेको छ ।