अल्डरसटमा मनाइयो रिमम्बरेन्स डे

लण्डन । ग्रेटर रसमुर नेपाली कम्युनिटी (जीआरएनसी) ले यस वर्षको रिमेम्बरेन्स डे शनिबार मनाएको छ ।
शनिबार बिहान १०ः४० बजेदेखि बिहान ११ः१० बजेसम्म अल्डरसटस्थित प्रिन्सेस गार्डेन कार प्रथम गोरखा भिसी कुलवीर थापाको शालिकमा पुगेर कार्यक्रममा परिणत भएको थियो ।
सो अवसरमा प्रथम गोरखा भिसी कुलवीर थापालगायत १४ भिसी अनि पहिलो तथा दोस्रो विश्वयुद्धमा वीरगति प्राप्त गर्ने पुर्खाहरुको सम्झनास्वरुप कार्यक्रम गरिएको थियो । कार्यक्रम संयोजक सल्लाहकार क्याप्टेन रिटायर्ड ग्यारी घलेले कार्यक्रम संचालन गरेका थिए भने सहसंयोजक मेजर रिटायर्ड खिम गौचनले इतिहासबारे जानकारी दिएका थिए । त्यसपछि २ मिनेट मौन धारणा गरिएको थियो । तत्पश्चात ब्यागपाईपर धुन बजाइएको थियो भने लामा गुरुले मन्त्रपाठ गरेका थिए ।
त्यसपछि स्थानिय रसमुर काउन्सिलका मेयर जोन मार्स, काउन्सिल लिडर डेभिड क्लिफोर्ड, काउन्सिलरहरु, जीआरएनसीका अध्यक्ष मन गुरुङ लगायतले भिसी कुलवीर थापाको प्रतिमामा पुष्पगुच्छा चढाएका थिए ।
कार्यक्रम सफल बनाउन क्यूओजीएलआर, गोर्खा आमा समूह अल्डरसट, इम्पायर हल, विभिन्न नेपाली संघ संस्थाहरु, कार्यक्रम संयोजक ग्यारी घले, सहसंयोजक खिम गौचन, डा. विशाल गुरुङ र श्याम श्रेष्ठ लगायतलाई अध्यक्ष गुरुङले धन्यवाद दिएका थिए ।