ओएनएफ युकेको दशैँतिहार कार्यक्रममा राष्ट्रिय सभाका अध्यक्ष आउने

लण्डन । प्रवासी नेपाली मंच युके (ओएनएफ) युकेले दशैं तिहार शुभकामना साँझको तयारी पूरा गरेको छ ।

१७ अक्टोबरको साँझ ह्यारोस्थिति ब्ल्यू रुममा आयोजना गरिएको सो शुभकामना साँझको सबै तयारी पूरा भएको ओएनएफ युकेका अध्यक्ष तुंगभद्र भुसालले जानकारी दिए ।
२ अक्टोबरमा बसेको कार्यसमितिको पूर्ण बैठकले सो कार्यक्रमलाई थप सशक्त बनाउने निर्णय गरेको थियो ।

शुभकामना साँझमा नेपालीबाट आएका कलाकारहरुका साथै स्थानीय कलाकारको पनि सहभागिता रहने बताइएको छ । कार्यक्रममा राष्ट्रिय सभाका अध्यक्ष गणेश तिम्सिना प्रमुख अतिथि रहनुहुनेछ भने बेलायतस्थित नेपाली राजदुत ज्ञानचन्द्र आचार्य विशेष अतिथिका रुपमा सहभागी हुने जानकारी आयोजकले दिएका छन् ।

उक्त शुभकामना साँझमा बेलायतको नेपाली समुदायका अगुवाहरुको उल्लेख्य सहभागिता रहने अपेक्षा गरिएको आयोजकले बताएका छन् ।