लण्डन । सृजनशील नेपाली समाज युकेले आफनो भवन खरिद गर्ने भएको छ ।
शनिबार साँझ अल्डरसटको द ईम्पाएर हलमा आयोजित च्यारिटी कार्यक्रममा पहिलो चरणमै ५५ हजार पाउण्डको कबुल प्राप्त भएको छ ।
समाजका अध्यक्ष भक्त दर्जीले पहिलो चरणको कार्यक्रमबाट कबुल रकमले उत्साहित हँुदै आगामी एक वर्षमा भवन खरिद गर्ने बताए ।
समाजका संस्थापक एवं सरक्षक शेर बहादुर सुनारले समाज स्थापनाको १५ वर्षको अवधिमा गर्न लागेको पुण्य काममा सबैले सहयोग गर्नहुन अनुरोध गरे ।
तमुधीं युकेका अध्यक्ष हितकाजी गुरुंग, मगर संघ युकेका वरिष्ठ उपाध्यक्ष लाल पुन, गोरखा जिल्ला तमु समाज युकेका पूर्व अध्यक्ष फडकजित गुरुंगले यस शुभकार्यमा आफनो सहयोग हुने बचन दिए ।
हाल बेलायतमा रहेका ह्युम्यानिष्ट ईन्टनरनेशनल नेपालका महासचिव अर्जुन परियारले प्रवासमा समाज एकजुट भई नयाँ भवन खरिद गर्न लागेकोमा खुशी व्यक्त गर्दै शुभकामना दिए ।
कार्यक्रममा पत्रकारहरु दिनेश कुमार परियार, बाचस्पति रेग्मी र मिलन तमु गुरुंग उपस्थिति थिए ।
च्यारिटी कार्यक्रममा कलाकारहरु सुमन गौतम, शान्तारानी परियार, निर आलेमगर, मधुसुदन थापा, बिलन थापामगर, जुना श्रीशले मनोरन्जन प्रदान गरेका थिए ।
कार्यक्रमको संचालन भने बिकास रनपैलीले गरका थिए ।
