काठमाडौँमा बालेनको अग्रता तेस्रो दिन पनि जारी

काठमाडौँ । काठमाडौँ महानगरपालिकामा प्रमुख पदका लागि स्वतन्त्र उम्मेदवारले नै अग्रता कायमै राखेका छन् ।
यो समाचार तयार पार्दासम्ममा प्रमुख पदका स्वतन्त्र उम्मेदवार बालेन्द्र साहले ६ हजार ३९८ मत प्राप्त गरी आफ्नो अग्रता कायम राख्नुभएको हो ।
त्यसैगरी प्रमुख पदकै उम्मेदवार नेकपा (एमाले) का केशव स्थापितले ३ हजार ३४७ र नेपाली कांग्रेसका सिर्जना सिंहले २ हजार ९६७ मत प्राप्त गर्नुभएको काठमाडौँका सहायक निर्वाचन अधिकृत प्रेमप्रसाद पौड्यालले जानकारी दिनुभयो ।
एमालेको तर्फबाट उपप्रमुख पदका उम्मेदवार सुनिता डङ्गोलले ६ हजार ५५७, उपप्रमुखकै लागि नेकपा (एकीकृत समाजवादी) का रामेश्वर श्रेष्ठले १ हजार ८५५ मत प्राप्त गर्नुभएको छ ।
हाल प्रदर्शनी मार्गस्थित राष्ट्रिय सभागृमा ६ स्थानबाट कामपाको मत गणना कार्य भइरहेको छ । अहिले वडा नम्बर ३, ४, ५, ६, ३१ र ३२ को मत गणना कार्य जारी छ ।
वडा नम्बर १ र २ को मत परिणाम यसअघि नै सार्वजनिक भइसकेको छ । परिणामअनुसार वडा १ र २ मा एमालेका उम्मेदवारहरु भरतलाल श्रेष्ठ र राजेन्द्रकुमार श्रेष्ठ विजयी हुनुभएको छ ।
हाल काठमाडौँमा १८ हजार ८०८ मतणाना भइसकेको छ ।

प्रतिक्रिया

सम्बन्धित सामाग्री