एनसिआइ ग्रुपद्वारा लाभांश वितरण

लण्डन । बेलायतमा सन्चालित नेपलिज कोअपरेटिभ इन्भेष्टमेण्ट (एनसिआइ) ले आफ्ना शेयर सदस्यहरुलाई लाभांश वितरण गरेको छ ।

एनसिआईको गत आइतबार सम्पन्न सातौँ साधारण सभाले आफ्ना शेयर सदस्यहरुलाई सन् २०२० को लागि लाभांश दिने निर्णय गरेको थियो । सो निर्णयअनुसार शुक्रबार सदस्यहरुलाई लाभांश वितरण गरिएको अध्यक्ष मोहन गुरुङले जानकारी दिनुभयो ।

अध्यक्ष मोहन गुरुङको अध्यक्षतामा भएको साधारण सभाको सन्चालन सचिव मुकुन्द बाँस्तोलाले गर्नुभएको थियो भने कोषाध्यक्ष एलएन पाण्डेले संस्थाको हरहिसाब पेश गर्नुभएको थियो ।

एनसिआईले हरेक वर्ष आफ्ना शेयर सदस्यहरुलाई लाभांश वितरण गर्ने गरेको छ । कोभिड १९को विश्वव्यापी महामारीको बाबजुद एनसिआईले नाफा आर्जन गरिरहेको छ ।

एनसिआईले बेलायतमा प्रोपर्टीमा लगानी गरेको छ भने नेपालमा सोलार फार्म र एग्रो फर्ममा लगानी गरेको छ ।

एनसिआई सन् २०१४ मा स्थापना भएको हो । यसका बोर्ड सदस्यहरुमा अध्यक्ष मोहन गुरुङ, सचिव डा मुकुन्द बाँस्तोला, कोषाध्यक्ष एलएन पाण्डे, सदस्यहरुमा तिलक भट्टराई, सुशील प्रजापति र टीकाराम सापकोटा रहेका छन् ।