नोभेम्बर २२ देखि नेपालमा कोरोना खोप लगाएकाले युके आउँदा क्वारेन्टाइनमा बस्न नपर्ने

लण्डन । नेपालमा कोरोनाको खोप लगाएकाहरुले नोभेम्बर २२ देखि बेलायत आउँदा क्वारेन्टाइनमा बस्न नपर्ने भएको छ ।

बेलायतले नेपालमा प्रयोग भएका कोरोना खोपहरु सिनोफार्म, सिनोभ्याक, कोभ्याक्सिन लगायतका खोपलाई मान्यता दिएपछि क्वारेन्टाइनमा बस्न नपर्ने भएको हो ।

बेलायतले यसअघि नै नेपालमा प्रयोगमा रहेका अरु कोरोना खोपहरु फाइजर, जोन्सन एण्ड जोन्सन, अक्सफोर्ड आष्ट्राजेनिका आदिलाई मान्यता दिइसकेको छ ।

नेपालस्थित बेलायती दुताबासका अनुसार अब नेपालमा कोभिड खोप लगाएको १४ दिन भएका यात्रुहरुले बेलायत आउँदा क्वारेन्टाइनमा बस्नुपर्ने छैन । यस्तै १८वर्ष मुनीकालाई कोभिड भ्याक्सिन लगाउन जरुरत छैन ।

यसअघि नेपालमा पूरा डोज कोरोना खोप लगाए पनि बेलायत आएपछि घरमै १० दिन क्वारेन्टाइनमा बस्नुपर्ने प्रावधान रहेको छ ।