सोमबार, मंसिर २० २०७८ | Mon, December 06, 2021
नेपालको समय: २१:२० | UK Time: 15:35

अर्को वर्षसम्ममा बेलायतको अर्थतन्त्र कोभिड पूर्वको अवस्थामा आउने

वीनेपाली
२०७८ कार्तिक १० गते १५:२५

लण्डन । बेलायतको अर्थतन्त्र अर्को वर्षसम्ममा कोभिड पूर्वको अवस्थामा फर्कने अनुमान गरिएको छ ।

बेलायतका अर्थमन्त्री ऋषि सुनकले आज बेलायतको संसदमा बजेट प्रस्तुत गर्दै सो आँकलन गरेका हुन् । उनले यो वर्ष बेलायतको अर्थतन्त्र ६.५ प्रतिशत वृद्धि भएको र आगामी वर्ष पनि ६ प्रतिशतले बढ्ने बताएका छन् ।

यस्तै आगामी वर्ष मुद्रा स्फिति ४ प्रतिशत पुग्ने र बेरोजगारी दर ५.२ प्रतिशतसम्म पुग्नसक्ने विश्लेषण गरिएको छ । बेलायतमा यस वर्षको सेप्टेम्बरमा मुद्रा स्फिति ३.१ प्रतिशत रहेको थियो भने यसअघि बेरोजगारी दर अर्को वर्ष ११ प्रतिशत नाघ्ने अनुमान गरिएको थियो ।

सुनकले आगामी अप्रिल १ देखि न्यूनतम ज्याला दर वृद्धि गरिने बताएका छन् । जसअनुसार २३ वर्ष माथिका पूर्णकालिन कर्मचारीका लागि प्रतिघण्टा ९ पाउण्ड ५० पेन्स प्रतिघण्टा बनाइएको छ । अहिले न्यूनतम ज्याला ८ पाउण्ड ९१ पेन्स प्रतिघण्टा रहेको छ ।

 

यस्तै सार्वजनिक क्षेत्रमा तलव वृद्धिमा यसअघि लगाइएको रोक अब हटाइएको छ ।

बजेटमा बेलायतको स्वास्थ्य सेवाका लागि ४४ बिलियन पाउण्ड वृद्धि गरिएको छ भने ११.५ बिलियन पाउण्ड १ लाख ८० हजार घर निर्माणका लागि छुट्याइएको छ । विभिन्न क्षेत्रमा सार्वजनिक यातायात निर्माणका लागि ६.९ बिलियन पाउण्ड छुट्याइएको छ भने स्वास्थ्य र हेरचाह क्षेत्रमा अनुसन्धान र विकासका लागि १०.९ बिलियन पाउण्ड विनियोजन गरिएको छ ।

 

प्रतिक्रिया

सम्बन्धित सामाग्री

फेसबुक