लण्डन । गैरआवासीय नेपाली संघ (एनआरएनए) को दशौँ महाधिवेसन अनिश्चितकालका लागि स्थगित भएको छ ।
सम्मेलन शुरु हुनु १२ दिन अघि संघका प्रवक्ता डिबी क्षेत्रीले आज एक विज्ञप्ति जारी गर्दै यही अक्टोबर २३ देखि २५ सम्म हुने भनिएको दशौँ अन्तर्राष्ट्रिय महाधिवेशन, निर्वाचन र विश्व सम्मेलन स्थगित भएको जनाएका छन् ।
उनले परराष्ट्र मन्त्रालयको निर्देशनका कारण महाधिवेसन स्थगित गर्नुपरेको बताए । छिट्टै कानुन व्यवसायीहरु र सम्बन्धित पक्षहरुसित छलफल गरी महाधिवेसनको नयाँ मिति तोक्ने पनि विज्ञप्तिमा उल्लेख छ । वीनेपालीसितको वार्तामा भने उनले नयाँ महाधिवेसनको मिति करिब छ महिनापछि हुनसक्ने बताए ।
संघको आइतबार बसेको अन्तर्राष्ट्रिय समन्वय समितिको बैठकले महाधिवेसन सार्ने निर्णय गरेको थियो ।
