मंगलबार, असोज ५ २०७८ | Tue, September 21, 2021
नेपालको समय: ०७:५३ | UK Time: 03:08

वार्तामा एउटै आवाज बनाउन गोरखा संस्थाहरु सहमत

वीनेपाली
२०७८ भदौ २४ गते ११:३०

लण्डन । गोरखा भूतपूर्व सैनिकहरुको समस्या समाधानका लागि नेपाल र बेलायतका सरकारी वार्ता टोलीबीच हुने वार्तामा एक भएर प्रस्तुत हुन गोरखा भूतपूर्व सैनिकहरु सहमत भएका छन् ।

सधैँ एकआपसमा आलोचनामा उत्रिरहने गोरखा भूतपूर्व सैनिक संस्थाका नेताहरु बेलायतका लागि नेपाली राजदुत लोकदर्शन रेग्मीको पहलमा एकतावद्ध हुन मञ्जुर भएका हुन् ।

उनीहरुबीच विगतमा जे भयो त्यसलाई बिर्सेर अब हुने वार्तामा संयुक्त आवाज उठाउने सहमति भएको हो ।

नेपाल र बेलायत सरकारबीच गोरखाहरु समेतको सहभागितामा डिसेम्बरमा वार्ता हुँदैछ ।

यही सेप्टेम्बर ३ तारिखका दिन दुताबासमा राजदुत रेग्मी समेतको उपस्थितिमा गोरखा संस्थाका नेतृत्वबीच छलफल भएको थियो । करिब ६ घण्टा चलेको छलफलमा शुरुमा गोरखाहरु आ-आफ्नै अडानमा रहे पनि दुई देशबीच गोरखाहरुको समस्याका बारेमा वार्ता हुने भएपछि त्यसले गोरखाहरुमाथिको अन्याय र भेदभाव अन्त्य गर्नका लागि नयाँ अवसर सृजना गरेकाले कोही कतै दायाँ बायाँ नबनी एकै श्वर बनाउन उनीहरु राजी भएका थिए ।

सो छलफलमा गोरखा सत्याग्रह संयुक्त संघर्ष समिति, गोरखा भूतपूर्व सैनिक संघ (गेसो), ब्रिटिश गोरखा वेलफेयर सोसाइटी (बिजीडब्ल्यूएस), नेपाल भूतपूर्व सैनिक संघ (नेसा), युबीजीएन लगायतका संस्थाका नेतृत्व उपस्थित थिए ।

सोही सहमतिबमोजिम हिजो बेलायती रक्षामन्त्रीसितको बैठकमा गोरखाहरु प्रस्तुत भएका थिए । सो बैठकपछि पनि गोरखा संस्थाका प्रतिनिधिहरुबीच दुताबासमै आगामी दिनमा कसरी अघि बढ्ने भन्ने बारेमा छलफल भएको थियो ।

प्रतिक्रिया

सम्बन्धित सामाग्री

फेसबुक