एनआरएनए युकेको नतीजा घोषणा हुँदै

लण्डन । एनआरएनए युकेको निर्वाचनको नतीजा घोषणा हुने भएको छ ।

निर्वाचन समितिले अहिले साँझ भर्चुअलरुपमा पत्रकार सम्मेलन गरी नतीजा घोषणा गर्ने बताइएको छ ।

यसअघि आजै निर्वाचन समिति र च्वाइस भोटिङका बीच बैठक बसी च्वाइस भोटिङले अन्तिम परिणाम निर्वाचन समितिलाई बुझाएको बुझिएको छ ।

एनआरएनए युकेको निर्वाचनमा अध्यक्ष पदका लागि रोजिना प्रधान राई, दीपक श्रेष्ठ र प्रेम गाहा मगर मैदानमा छन् ।

अगष्ट २ मा सम्पन्न निर्वाचनमा ११ हजार भन्दा बढी मतदाता रहेका थिए ।

एनआरएनए युकेमा यसपटक पहिलोपटक अनलाइन मतदान भएको थियो ।