मंगलबार, असोज ५ २०७८ | Tue, September 21, 2021
नेपालको समय: ०७:०५ | UK Time: 02:20

एनआरएनए युकेको चुनावको मत परिणाम भोलि घोषणा हुने

वीनेपाली
२०७८ साउन २० गते १६:०८

प्रमुख निर्वाचन आयुक्त कँडेल

लण्डन । गैरआवासीय नेपाली स‌ंघ (एनआरएनए) युकेकाे हिजो (मंगलबार) सम्पन्न मतदानको परिणाम भोलि साँझ घोषणा हुने भएको छ ।

निर्वाचन समितिका प्रमुख आयुक्त महेन्द्रराज कँडेलका अनुसार मत परिणाम घोषणा भोलि हुने छ ।

अनलाइन मतदान भए पनि मत परिणाम घोषणा हुन समय लागेकोमा आलोचना हुँदै आएको छ । निर्वाचन समितिले मतदान प्रक्रिया पारदर्शी भए नभएको सम्पूर्ण प्रक्रियाको बारेमा स्वतन्त्र निकायको प्रत्यक्ष सहभागिता र अनुगमनमा वैधानिक पर्यवेक्षण भइरहेको जनाएको छ ।

ती सम्पूर्ण प्रक्रिया पूरा गर्नका लागि लाग्ने समयलाई दृष्टिगत गरेर नै करार सम्झौता गरिएको र समितिले यसअघि प्रकाशन गरेको निर्वाचन तालिकाअनुसार नै नतीजा घोषणा हुने कँडेलले जानकारी दिए ।

अनलाइन भोट गर्ने जिम्मा पाएको च्वाइस भोटिङले भोलि साँझ ५ बजे अन्तिम परिणाम निर्वाचन समितिलाई हस्तान्तरण गर्ने योजना छ ।

उनले सर्वसाधारणलाई धैर्यधारण गर्न पनि अनुरोध गरेका छन् ।

एनआरएनए युकेको निर्वाचनमा अध्यक्ष पदका लागि दीपक श्रेष्ठ, प्रेम गाहा मगर र रोजिना प्रधान राई उम्मेदवार छन् । उनीहरुसँगै करिब पाँच दर्जन विभिन्न पदमा उम्मेदवार छन् ।

प्रतिक्रिया

सम्बन्धित सामाग्री

फेसबुक