मंगलबार, असोज ५ २०७८ | Tue, September 21, 2021
नेपालको समय: ०८:२५ | UK Time: 03:40

एनआरएन यूकेको निर्वाचन आज, मतदानमा भाग लिन उम्मेदवारहरुको अपील

वीनेपाली
२०७८ साउन १८ गते ११:१८

लण्डन ।  गैर आवासीय नेपाली संघ, एनसीसी यूकेको नयाँ कार्यसमिति चयन गर्न  आज (२ अगस्ट)  निर्वाचन हुँदै छ । सोमबार मध्यान्ह बाह्र बजेबाट शुरु हुने निर्वाचन मंगलबार मध्यान्ह बाह्र बजेसम्म जारी रहने निर्वाचन समितिले जनाएको छ।

पूर्व निर्धारित कार्यतालिका अनुसार गत शनिबार, ३१ जुलाईमा नै निर्वाचन हुनुपर्ने थियो । तर, निर्वाचन हुनु भन्दा केही घण्टा अगाडि मात्रै निर्वाचन समितिले निर्वाचन स्थगित गर्दै दुई दिन पर सारेको थियो  ।

निर्वाचन समितिका सदस्य पशुपति पोखरेलले निर्वाचन ठीक १२ बजे शुरु हुने जानकारी दिए । उनले निर्वाचनका सबै तयारी पूरा भएको बताए ।

यसैबीच समावेशी समूहको तर्फ़बाट अध्यक्ष पदका उम्मेदवार प्रेम गाहा मगरले बेलायतवासी एनआरएनएका सबै पन्जीकृत मतदाताहरुलाई कसैको दबाब र प्रभावमा नपरी निर्धक्क भएर उत्साहपूर्वक मतदान गर्न आह्वान गरेका छन्।  सोमबार बिहान एक अपील प्रकाशित गर्दै गाहामगरले ‘संस्थालाई शुद्धिकरण र बेलायतस्थित नेपाली समाजलाई एकीकरण’ गर्ने उद्देश्यले आफुहरु चुनावमा भाग लिइ रहेकाले आफु र आफ्नो टिमलाई मतदान गरी विजयी बनाउन अपिल गरे।

बेलायतस्थित भूतपूर्व गोर्खा सैनिक बाबा आमा, युवा, विद्यार्थी, महिला, व्यवसायी लगायत सम्पूर्ण नेपाली समुदायको समस्या र चाहनाका बारे म अवगत छु। यो संस्था र बेलायतस्थित नेपाली समाजको हितको लागि मैले चौबिसै घण्टा काम गर्ने छु,” एनआरएनए युकेमा दुइ पटक उपाध्यक्ष भै सकेका गाहा मगरले भने।  “तपाइंहरु सबैको आशिर्वाद पाउनेमा हामी विश्वस्त छौं। “

उनले आफूले अगाडी सारेका सात बुंदे एजेन्डालाई कार्यान्वयन गर्न म्यान्डेट दिन पनि सबै मतदाताहरुलाई अपिल गरेका छन्।

यस्तै अध्यक्षका अर्का उम्मेदवार दीपक श्रेष्ठले पनि आज हुने निर्वाचनमा सरिक हुन र आफूलाई मतदान गर्न अनुरोध गरेका छन् । ”यहाँको एक अमूल्य मतले हाम्रो यस अभियानमा एनआरएन युकेको संस्थागत विकास र जनसमुदायको सेवामा अर्थपूर्ण सहयोग पुग्नेमा हामी विश्वास दिलाउन चाहन्छौँ” श्रेष्ठले भनेका छन् ।

एनआरएनए बेलायतमा पहिलोपटक अनलाइनबाट निर्वाचन हुँदैछ । यस निर्वाचनमा ११ हजार ३६३ मतदाता रहेका छन्

प्रतिक्रिया

सम्बन्धित सामाग्री

फेसबुक