मंगलबार, असोज ५ २०७८ | Tue, September 21, 2021
नेपालको समय: ०७:५३ | UK Time: 03:08

एनआरएनए युकेको निर्वाचनमा भोट कसरी हाल्ने ? (भिडियोसहित)

वीनेपाली
२०७८ साउन १४ गते २०:४६

लण्डन । गैरआवासीय नेपाली स‌ंघ (एनआरएनए) युकेको यही शनिबार (जुलाई ३१) मा हुने निर्वाचनमा कसरी अनलाइन मतदान गर्ने भन्ने बारेमा निर्वाचन समितिले भिडियो डेमो सार्वजनिक गरेको छ ।

निर्वाचन समितिले मतदान प्रक्रियाका बारेमा बिहीबार नेपाली र अंग्रेजीमा भिडियो सामग्री उपलब्ध गराएको हो ।

सोअनुसार मतदाताले इमेल प्राप्त गर्नेछन् । भोट दिन तयार भएपछि मतदाताले सो लिङ्कमा क्लीक गर्नुपर्नेछ । त्यसमा क्लीक गरेपछि धेरै मानिसहरुले एकैपटक मतदान गरिरहेका कारण केही समय पर्खन पर्ने पनि हुन सक्छ । त्यसपछि भोटिङ प्लाटफर्ममा लगिने छ । जहाँ बायाँतर्फ पद र दायाँतर्फ उम्मेदवारको नाम हुनेछ । उम्मेदवारको नामसँगै घोषणा पत्र पनि हुनेछ ।

उम्मेदवारको नामसँगै हरियो रंगमा उम्मेदवार छान्ने अप्सन हुनेछ । यसरी छानिएका उम्मेदवारलाई हटाउन मन लागेमा उम्मेदवारको नामसँगै दायाँ पट्टिको रातोमा क्लीक गर्न सकिनेछ । त्यसपछि पनि भोट गर्नुपूर्व मन परिवर्तन भएमा ‘क्यान्सिल’ गर्न पाइनेछ तर ‘भोट’ मा थिचिसकेपछि भने पाइने छैन ।

यही प्रक्रिया अरु पदका उम्मेदवारमा गर्नु पर्नेछ । सबैलाई भोट दिएपछि साइन आउट गर्न भनिएको छ ।

थप जानकारीका लागि तलको भिडियो हेर्नुहोला। भिडियो स्रोत निर्वाचन समिति

प्रतिक्रिया

सम्बन्धित सामाग्री

फेसबुक