लण्डन । डार्टफोर्ड नेपाली समाजको अध्यक्षमा लेखनाथ खरेल निर्वाचित भएका छन् ।
समाजको शनिबार सम्पन्न भर्चुअल अधिवेसनले खरेलको अध्यक्षतामा सर्वसम्मतिले नयाँ कार्यसमिति चयन गरेको हो ।
नवनिर्वाचित कार्यसमितिको उपाध्यक्षमा रुद्र कोइराला, महिला उपाध्यक्षमा विना पाण्डे घिमिरे, सचिवमा हरिबहादुर हड्खले, कोषाध्यक्षमा पारिजात बन्जाडे पाठक रहेका छन् । सदस्यहरुमा तारा भट्ट, शारदाप्रसाद कालाखेती, अस्मिता पाण्डे, मीरा घले, हरि पन्थ र सुनिता थापा रहेका छन् ।
कार्यसमितिको महासचिव र तीन सदस्य कार्यसमिति चयन गर्नेछ ।
नवनिर्वाचित कार्यसमितिलाई निर्वाचन समितिका संयोजक चण्डिका भट्टले सपथ गराएका थिए ।
नयाँ कार्यसमिति चयनका लागि चण्डिका भट्टको संयोजकत्वमा राजेश पाठक, दीपक थापा, वेद भट्टराई र नरेश खपाङ्गीमगर रहेको निर्वाचन समिति गठन गरिएको थियो ।
नवनिर्वाचित समितिका अध्यक्ष खरेलले सबैलाई समेटेर समाजलाई अगाडी बढाउने प्रतिवद्धता व्यक्त गरेका थिए । पूर्व कार्यसमितिले गरेका राम्रा कार्यहरुलाई निरन्तरता दिने र विगतका गल्तीहरुबाट पाठ सिक्दै अगाडी बढ्ने पनि उनले बताए ।
यसअघि पहिलो सत्र समाजका अध्यक्ष गजेन्द्र कटुवालको अध्यक्षता र महासचिव लेखनाथ खरेलको संचालनमा भएको थियो । सो सत्रमा उपाध्यक्ष आशा फेरालीले स्वागत मन्तब्य व्यक्त गर्नुभएको थियो । सो सत्रमा कोषाध्यक्ष हरिबहादुर हड्खलेले आर्थिक प्रतिवेदन र महासचिव लेखनाथ खरेलले सांगठानिक प्रतिवेदन पेश गरेका थिए ।
कार्यक्रममा सचिव धन क्षेत्रीले धन्यवाद ज्ञापन गरेका थिए ।
