बिहीबार, साउन २१ २०७८ | Thu, August 05, 2021
नेपालको समय: ०४:५७ | UK Time: 00:12

बुधबारदेखि बेलायतमा भिसी तुलबहादुर पुनको नाममा रेलवे सेवा

वीनेपाली
२०७८ असार ७ गते १५:०५

File photo dated 16/09/08 of actress Joanna Lumley meeting Tul Bahadur Pun VC. Gurkhas fighting for the right to settle in Britain will learn today whether their immigration test case at the High Court has been successful. PRESS ASSOCIATION photo. Issue date: Tuesday September 30, 2008. Mr Justice Blake will hand down his judgment in a case backed by actress Joanna Lumley, whose father Major James Lumley fought with the Gurkhas in Burma in the Second World War. See PA story COURTS Gurkhas. Photo credit should read: Ian Nicholson/PA Wire

लण्डन । दोस्रो विश्वयुद्धमा अद्वितीय पराक्रम प्रदर्शन गरेवापत बेलायतको प्रतिष्ठित भिक्टोरिया क्रस (भिसी) पाएका गोरखा सैनिक तुलबहादुर पुनको नाममा बुधबारदेखि बेलायतमा रेल सेवा सन्चालन हुने भएको छ ।

बेलायतको प्याडिङटन रेलवे स्टेशनमा बुधबार बिहान (२३ जुन) हुने एक समारोहमा रेलवे सन्चालक ग्रेट वेस्टर्न रेलवेले भिसी पुनको नाममा  एक रेल सेवाको नामकरण गर्ने भएको हो ।

भिसी पुनका सुपुत्र अर्जुन तिलिजाले बुधबार बिहानको सो कार्यक्रमका लागि आफूहरुलाई निमन्त्रणा प्राप्त भएको बताए । भिसी पुनले भिक्टोरिया क्रस पाएको दिनको अवसरमा बेलायतको पश्चिमी क्षेत्रमा एक शहरलाई अर्को शहरसित जोड्ने रेलवे सेवाको नाम पुनको नाममा गर्न लागिएको हो ।

सो समारोह पुनले भिसी पाएको ७५ वर्ष पुगेको अवसरमा पोहोर साल नै गर्ने योजना बनाइएको भए पनि कोरोना महामारीका कारण एक वर्ष स्थगन गरिएको जानकारी पनि तिलिजाले दिए ।

सो नामकरण समारोहमा ख्यातिप्राप्त अभिनेत्री जोअना लम्ले साथै भिसी पुनका परिवारका सदस्यहरुको उपस्थितिमा हुने बताइएको छ ।

भिसी पुन दोस्रो विश्वयुद्धमा भिक्टोरिया क्रस पाउँदा २१ वर्षका मात्र थिए । उनले दोस्रो विश्वयुद्धमा बहादुरी र साहस प्रदर्शन गरेवापत सो पदक दिइएको हो ।

गोरखा सैनिकहरुले हालसम्म १३ वटा भिक्टोरिया क्रस पाएका छन् ।

ग्रेट वेष्टर्न रेलवेका बाह्य सन्चार प्रमुख डान पान्सले भनेका छन्, ”भिसी तुलबहादुर पुनलाई सम्मान गर्न पाउँदा हामीलाई हर्ष लागेको छ ।”

गोरखा वेलफेयर ट्रष्टका आडम बेन्थामले भने, ” गोरखा सैनिकहरुले पूर्वी क्षेत्रको लडाइँमा महत्वपूर्ण भूमिका निर्वाह गरेको र बर्मामा मात्र सात वटा भिक्टोरिया क्रस पाएका थिए ।” तीमध्ये भिसी तुलबहादुर पुन पनि एक थिए । ”हाम्रो देशले गोरखाहरुको धेरै ऋण तिर्नुछ र भिसी तुलबहादुर पुनको बहादुरीलाई यसरी सम्मान गरिनु सच्चा सम्मान हो”, उनले भने ।

गोरखा वेलफेयर ट्रष्टका संरक्षक जोअना लुम्लेले भनिन्, ”म भिसी लछिमन गुरुङ र तुलबहादुर पुन जसले बर्मामा मेरा पिताजीसित लडे उनीहरुसितको भेट कहिल्यै बिर्सदिनँ । हाम्रो स्वतन्त्रताको रक्षाका लागि नियमित ड्यूटीभन्दा माथि उठेर लड्ने गोरखाहरुप्रति हाम्रो ठूलो ऋण छ ।”

प्रतिक्रिया

सम्बन्धित सामाग्री

फेसबुक