लण्डन। गैरआवासीय नेपाली संघ (एनआरएनए) यूकेको पंजिकृत सदस्यको लागि आवेदन दिने करीव १२ हजार पुगेका छन । गत कार्यकालमा झण्डै १४ हजार सदस्य रहेकोमा यस पटक २ हजारले कमि आएको हो । अनलाईन मार्फत सदस्यता आवेदनका लागि तय गरिएको समय सीमा सोमबार मध्यरातसम्मको ११ हजार ६ सयले आवेदन दिएको एनआरएनए यूकेले जानकारी दिएको छ ।
पहिलोपटक एनआरएनए आइसीसीको ‘एमआइएस सिस्टम’ अन्तर्गत अनलाइनमार्फत् सदस्यता वितरण गरिएको थियो । एनआरएनए यूकेको आगामी कार्यसमिति चयनका लागि आउंदो जुलाई ३१ तारिखका दिन निर्वाचन हुँदैछ । भावी अध्यक्षका लागि अहिलेसम्म प्रेम गाहामगर, रोजिना प्रधान राई र दीपक श्रेष्ठ मैदानमा देखिएका छन् ।
यसैबीच, एनआरएनए यूकेले एक वक्तव्यमार्फत् सदस्यताको लागि आवेदन गर्ने बेलायतवासी सबै नेपालीमा धन्यवाद ज्ञापन गरेका छन ।
