सोमबार, जेठ ३१ २०७८ | Mon, June 14, 2021
नेपालको समय: ०८:४३ | UK Time: 03:58

एनआरएनए युकेको सदस्यता आवेदन जुन ३० सम्म बढाउने तयारी

वीनेपाली
२०७८ जेठ २५ गते १०:५२

लण्डन । गैरआवासीय नेपाली संघ (एनआरएनए) युकेको सदस्यता आवेदन मिति थप गर्ने बिषय विवादमा परेको छ । दुइ दिनपछि अर्थात आगामी जुन १० बिहिबार एनआरएनए युके सदस्यता आवेदन म्याद सकिन लाग्दा कार्यसमितिका भित्र विवाद उत्पन्न भएको हो ।
स्रोतका अनुसार कार्यसमितिको ग्रुपमा सदस्यता आवेदन मितिका बारेमा एनआरएनए अध्यक्ष पुनम गुरुङले राखेको प्रस्तावमा पदाधिकारी तथा सदस्यहरुले म्याद थप गर्ने वा म्याद थप नगर्ने बिषयमा पक्षविपक्षमा धारणा राखिरहेका छन । सोमबार अध्यक्ष गुरुङले राखेको दुई प्रस्ताबमा सदस्यता आवेदनको म्याद थप गर्ने र इंग्ल्याण्ड राज्य समन्वय परिषद् अध्यक्ष दीपक श्रेष्ठलाई प्रमाणिकरणको अधिकार दिने बिषय समेटिएका छन् ।

एनआरएनए युकेको सदस्यता लिने आवेदनकहरु न्युन भएकाले जनताको चाहाना र सवै पक्षको सल्लाहमा पुर्व अध्यक्षहरु सम्मिलित संरक्षक परिषद्ले आगामी जुन ३० सम्म सदस्यता आवेदन म्याद बढाउने सिफारिस भएको अध्यक्ष गुरुङको प्रस्ताब उल्लेख छ ।
उनले वेल्स, स्कटल्याण्ड र नर्दन आयरल्याण्ड राज्य समन्वय परिषद्का बारेमा केही उल्लेख नगरि इंग्ल्याण्ड राज्य समन्वय परिषद् अध्यक्षको श्रेष्ठलाई मात्र सदस्यता प्रमाणिकरणको दिने प्रस्ताव गरेकी छिन । चार राज्य समन्वय परिषद् मध्ये इंग्ल्याण्डको मात्र किन सिफारिस गरेको भन्दै कार्यसमितिको पदाधिकारी तथा सदस्यहरुले आलोचना गरेको स्रोतले बतायो । कार्यसमितिका एक सदस्यका अनुसार मंगलबार नै एनआरएनए युकेले सदस्यता लिने म्याद बढाउने बारेमा सुचना जारी गर्ने संभावना छ ।

प्रतिक्रिया

सम्बन्धित सामाग्री

फेसबुक