लन्डन — बार्नेट काउन्सिलले आफ्नो काउन्सिल अन्तर्गत बसोबास गर्ने नेपाली समुदायका लागि छुट्टै समाधिस्थल उपलब्ध गराएको छ। काउन्सिलका उपमेयर लक्ष्य गुरुङको सकृयतामा उक्त समाधिस्थल उपलब्ध गराइएको हो।
“भूतपूर्व गोर्खा सैनिक लगायत बेलायतमा बसोबास गर्ने नेपालीहरुको संख्या बढ्दै जांदा हामीले छुट्टै समाधिस्थलका लागि माग गर्दै आएका थियौं। अहिले आएर काउन्सिलले नेपाली समुदायका लागि अलग्गै समाधिस्थल उपलब्ध गराइ दिंदा खुसी लागेको छ,” उपमेयर गुरुङले भने।
त्यस्तै बर्न्टओक नेपाली समाजका अध्यक्ष बिष्णु गुरुङले छुट्टै समाधिस्थल उपलब्ध गराई दिएकोमा बार्नेट काउन्सिल तथा त्यसको लागि निरन्तर पहल गरेकोमा उपमेयर लक्ष गुरुङलाई धन्यवाद दिए।
मिलहिलस्थित वेस्टमिन्स्टर सिमेट्री नजिकै रहेको उक्त समाधिस्थलको समाजका पूर्व अध्यक्ष तथा उपमेयर गुरुङ, बर्न्टओक नेपाली समाजका अध्यक्ष बिष्णु गुरुङ, महासचिव दिलमाया गुरुङ तथा समाजका संस्थापक अध्यक्ष उदय गुरुङले शुक्रबार निरीक्षण गरेका थिए।
हेन्डन सिमेट्री एण्ड क्रीमेटरियमका ग्रोथ एण्ड ट्रान्सफर्मेसन म्यानजर एन्ड्रयु मिल्नले उपमेयर गुरुङ सहितको टोलिलाइ उक्त समाधिस्थलले ओगट्ने भूभाग तथा त्यहाँ निर्माण हुने संरचनाहरुबारे जानकारी दिएका थिए।
कुनै पनि स्थानीय निकायले बेलायतमा नेपाली समुदायका लागि छुट्टै समाधिस्थल उपलब्ध गराएको यो दोश्रो पटक हो। एसअघि हिलिंग्डन गोर्खाज नेप्लिज कम्युनिटीको पहलमा नेपाली/गोर्खा समुदायका लागि छुट्टै समाधिस्थल उपलब्ध गराइएको छ।
सम्झनयोग्य कृति : सम्झनाको चोमोलुङ्मा
यस्तो छ मार्चमा हुने एनआरएनएको विश्व सम्मेलन र महाधिवेशन तालिका
‘द भ्वाइस अफ नेपाल’ सिजन ७ को उपाधि नीताकुमारी थापा मगरलाई
पोखरा अन्तरराष्ट्रिय म्याराथनको उपाधि केन्याका जुलियसलाई
मनोविद् डा. राईको पाँचौं कृति सार्वजनिक
नेपाली विद्यार्थीको शव स्वदेश पठाउन बेलायतमा उठ्यो साढे १० हजार पाउन्ड
बेलायतबाट डा हेमराज शर्माद्वारा एनआरएनएको अध्यक्ष पदमा उम्मेदवारी दिने घोषणा
नेपालका राष्ट्रपति पौडेलसमक्ष गोर्खा विग्रेडको वार्षिक प्रतिवेदन प्रस्तुत
एपस्टिनसँग म्यान्डेलसनको सम्बन्ध रहेको प्रकरणमा बेलायती प्रधानमन्त्रीका उच्च सहयोगीद्वारा राजीनामा
रामेछाप बस दुर्घटना : मृतकको संख्या १२ पुग्यो [अपडेट]
