अल्डरसट । बेलायतमा रेकी दीक्षा सम्पन्न भएको छ।
हिमालयन योगा एन्ड रेकी मेडिटेसन स्टुडियो युकेमा सम्पन्न भएको सो कार्यक्रम बिहान ८ बजे सुरु भई २ बजे समापन भएको थियो । यसपटक रेकी दीक्षा लिनेहरुमा विश्वेश्वर राई, दुर्गा थापा घर्ती, पूजा थापा र गोमा राना थिए ।
दीक्षा ग्रहणपछि अनुभव आदानप्रदान गर्ने क्रममा सबैले शरीर हल्का भएको महसुस हुनुका साथै मनमा आनन्द आएको बताएका थिए । लामो समयसम्म ध्यान आसनमा बस्न सक्ने अनुभव उनीहरुले बताएका थिए ।
योग प्रशिक्षक एवम् रेकी मास्टर नगेन्द्र नेम्बाङ्गले दीक्षा पछि रेकीको उत्पति र इतिहास रेकीको प्रणेता डा. मिकाउ उसुइ, डा. योगी विकाशानन्द गुरुमा कमलेस्वरीको परिचय गराउँदै रेकीबाट शारिरिक तथा मानसिक रोगलाई उपचार गर्ने विधि हिलिङ गर्ने तरिका, रेकीबाट हुने फाइदाहरु प्रस्ट्याएका थिए ।
रेकी हिलरहरुलाई रेकी प्रथमको प्रमाण पत्र पनि हिमालयन योगा एन्ड रेकी मेडिटेसन स्टुडियो युकेले प्रदान गरेको थियो ।
