खगेन्द्र संग्रौला ४ लाख रूपैयाँको ‘पहिचान सम्मान’बाट सम्मानित

काठमानडौ । लेखक खगेन्द्र संग्रौला ४ लाख २ हजार २ रुपैयाँ तथा ताम्रपत्रसहित ‘पहिचान सम्मान’बाट सम्मानित भएका छन् ।

उनलाई पहिचान पुरस्कार कोषले यो सम्मान प्रदान गरेको हो ।

लेखक तथा अनुवादक संग्रौलालाई आज उक्त सम्मान प्रदान गरिएको हो । नरेश काङमाङ, रामकुमारी झाँक्री, अजम्बर काङमाङले संग्रौलालाई पहिचान सम्मान प्रदान गरे । कार्यक्रममा वैरागी काइला उपस्थित नभए पनि उनले अडियो सम्बोधन गर्दै संग्रौलाका बारेमा बोलेका थिए ।

लेखनका माध्यमबाट उत्पीडित र सीमान्तकृत समुदायको पहिचान स्थापित गर्न योगदान पुर्‍याएकाले संग्रौलालाई सम्मान गरिएको कोषले जनाएको छ । २०७२ सालमा बेलायतमा स्थापित यो संस्थाले लेखन तथा साहित्यमार्फत पहिचानका क्षेत्रमा योगदान पुर्‍याउने लेखकलाई बर्सेनि पुरस्कृत गर्दै आएको छ ।