बिहीबार, वैशाख २३ २०७८ | Thu, May 06, 2021
नेपालको समय: ०८:५८ | UK Time: 04:13

एनआरएन अध्यक्ष पदमा उपाध्यक्ष सुनिल खड्काले उम्मेदवारी दिने

वीनेपाली
२०७७ चैत ३० गते २३:१४
Sunil Khadka

उपाध्यक्ष : सुनिलबाबु खड्का

लन्डन । गैरआवासीय नेपाली संघ (एनआरएनए) यूकेका उपाध्यक्ष सुनिल खड्काले आगामी नेतृत्वका लागि अध्यक्ष पदमा उम्मेदवारी दिने भएका छन । बेलायतमा सामाजिक अभियन्ताका रुपमा परिचित खड्काले कल्याणकारी संस्थाका रुपमा एनआरएनए युकेलाई विकास गर्न आफ्नो उम्मेदवारी अघि सारेका हुन ।
एनआरएनए यूके च्यारिटी विभागका संयोजकका रुपमा कार्यरत खड्काले संघको जुलाइमा हुने नयाँ नेतृत्व चयनका लागि नेपाली समुदायहरुलाई सार्वजनिक अपिल गरेका छन । ‘नेपाली समुदायका अगुवाहरु, आमावुवा, दिदीवहिनी र साथीभाइहरुबाट समर्थन र सहकार्य पाउने अपेक्षाका साथ अध्यक्ष पदमा उम्मेदवारी दिने निर्णय गरेको छु, उनले भने ।
बेलायतस्थित नेपाली समुदायका अग्रजहरुको सुझाव र उपाध्यक्ष रहदा गरेका सामाजिक गतिविधिले अध्यक्षमा उम्मेदवारी दिन प्रोत्साहित गरेको उनको भनाई छ । ’निस्वार्थ भावले मैले संस्थामा जति काम गरें, त्यो अझ पर्याप्त भए झैं लागेन । अब अध्यक्षको नेतृत्व लिएर यसलाई थप उचाई र अर्थ दिने मेरा योजनाहरु रहेका छन्’, खड्काले भनेका छन ।
अन्य उम्मेदवारहरुको तुलनामा खड्का च्यारिटी कर्ममा अझ बढी सक्रिय रहेकाले र बेलायतमा हुने हरेकजसो नेपाली समुदाय लक्षित कार्यक्रमहरु सक्रिय भइ लागीरहेकोले पनि नेतृत्व लिन उत्साहित भएको उनले बताए । ‘मलाई समस्त नेपाली समुदाय, मतदाता र सञ्चारकर्मीको साथ महत्वपूर्ण रुपमा आवश्यक पर्दछ । म उहाँहरु सम्पुर्णलाई आवश्यक सहयोग गरिदिन पनि अपिल गर्दछु’, उनले भने ।
उनी सदस्यता संख्या विस्तारमा सक्रिय भइरहेका छन् । संघभित्रको आन्तरिक विवादमा समेत आपसी एकतालाई जोड दिंदै नेपाल र नेपालीको हितार्थ पक्षधर खड्काले समाजलाई एक ढिक्का बनाउन, नेपालीका हक हितमा काम गर्न र मातृभूमिको समृद्धिका लागि वास्तविक नेपाली शक्ति परिचालनमा पनि संघको नेतृत्व लिन आवश्यक रहेको बताए । खड्का भन्छन्, ’मलाई केन्द्रमा गएर खादा माला लगाउनु पनि छैन् । राजनीति गर्नु पनि छैन् । न कसैको चाकडी गरेर पदमात्र ओगट्नु छ । म बरु सकेको समाजलाई दिन्छु ।’

वकिंगमा व्यवसाय संचालन गरिरहेका समाजसेवी खड्काको एनआरएनए अभियानमा लामो आवद्धता छ । न्यू हवेली रेष्टुरेन्ट, वेष्ट बाइफ्लीटका सञ्चालक खड्काले कोरोना संक्रमित बिरामीलाई बचाउन अग्रपंक्तिमा खटिएका डाक्टर, नर्ससहित प्रहरी र अन्य क्षेत्रका कामदारलाई हजारौको संख्यामा निशुल्क खाना खुवाएका थिए । स्थानीयस्तरमा विद्यार्थीहरु र कर्मचारीलाई निःशुल्क स्यानिटाइजरका बोतलहरु बाँडेका खड्काले चितवनस्थित मानवसेवा आश्रमलाई उनको निरन्तर आर्थिक सहयोग रहीआएको छ ।

प्रतिक्रिया

सम्बन्धित सामाग्री

फेसबुक