एनआरएनए युकेको काउन्सिल बैठक मार्च १४ मा

लण्डन । गैरआवासीय नेपाली संघ यूकेको प्रतिनिधी सभा (काउन्सिल मिटिङ) मार्च १४ मा हुने भएको छ ।

एनआरएनए युके राष्ट्रिय समन्वय समितिअन्तर्गत गठित सामाजिक संघसंस्था विभागले समन्वय र ब्यवस्थापन गर्ने सो बैठक गत वर्ष नै हुनुपर्नेमा महामारीका कारण यसवर्ष मात्र हुन लागेको हो । सो विभागकी प्रमुख रोजिन प्रधान राईले आगामी मार्च १४, २०२१ आईतबार बिहान ११ देखि काउन्सिल बैठक गर्ने निर्णय भएको जानकारी दिएकी छिन् ।
सो बैटमा बेलायतमा क्रियाशील स‌ंघसंस्थाबाट दुई/दुई जना प्रतिनिधिहरु, एनआरएन यके कार्यसमिति, राज्य समितिका अध्यक्षहरु, विधानअनुसार गठित विभागीय प्रमुखहरु, एनआरएन युकेका सल्लाहकारहरुको सहभागिता रहने गर्दछ ।