तस्बिर : रोयटर्स
लण्डन । कोभिड-१९ विरुद्धको नयाँ भ्याक्सिन (खोप) नोभाभ्याक्स ८९.३ प्रतिशत प्रभावकारी देखिएको छ । बेलायतमा गरिएको तेस्रो चरणको क्लिनिकल ट्रायलमा नोभाभ्याक्सको उक्त प्रभावकारिता देखिएको हो । संयुक्त अधिराज्यमा १५ हजार जनामा गरिएको परीक्षणमा त्यस्तो नतिजा पाइएको उक्त कम्पनीले जनाएको छ।
उक्त खोपले कोरोनाको नयाँ भेरियन्टका विरुद्ध समेत काम गर्ने बीबीसीले जनाएको छ । बेलायतका प्रधानमन्त्री बोरिस जोन्सनले ट्वीट गर्दै नोभाभ्याक्सको सफलतालाई ‘राम्रो समाचार’ भनेका छन् । बेलायतको स्वास्थ्य र व्यूटीसम्बन्धी उत्पादनको निमायक संस्था मेडिसिन एण्ड हेल्थकेयर प्रोडक्ट्स रेगुलटरी एथोरिटी (एमएचआरए)ले दिन बाँकी रहेको छ ।
बेलायतमा सबैलाई खोप दिन चौतर्फी दबाब भोगिरहेको सरकारले आफ्नै देशको स्टकटन-अन-टिज शहरमा उत्पादन गरिने यस खोपको ६ करोड मात्रा सुनिश्चित गरिसकेको छ। बेलायतको नियामक संस्था मेडिसिन एण्ड हेल्थकेयर प्रोडक्ट्स रेगुलटरी एथोरिटी (एमएचआरए)ले खोपको अनुमति दिए यसैवर्ष डेलिभरी हुने अपेक्षा सरकारको छ ।
बेलायतले युकेले अहिलेसम्म तीनवटा खोपलाई आपत्कालिन प्रयोगको स्वीकृति दिएको छ। ती अक्सफर्ड/एस्ट्राजेनिका, फाइजर/बायोएनटेक र मोडेर्ना खोपहरू हुन्। ती खोपहरु अहिले धमाधम लगाउने काम बेलायत सरकारले गरिरहेको छ ।
नोभाभ्याक्सका अनुसार जसमा १८ वर्षदेखि ८४ वर्ष सम्मका उमेर समूहका थिए । तीमध्ये २७ प्रतिशत ६५ वर्षभन्दा माथिका थिए । जहाँ थोरैमा गरिएको परीक्षणमा एचआइभी नभएका मानिसहरूमा त्यो ६० प्रतिशत प्रभावकारी देखिएको छ।
अमेरिकी बायोटेक्नोलोजी कम्पनी नोभाभ्याक्सका कार्यकारी प्रमुख स्टान इर्कले भने ‘बेलायतमा गरिएको क्लिनिकल ट्रायलले अनौठो र नयाँ आशा जगाएको छ । दक्षिण अफ्रिकामा जनतामा झनै धेरै आशा जगायो । उनले बीबीसीलाई भनेका छन्, ‘खोपको उत्पादन केन्द्र स्टकटन अन टिजलाई आगामी मार्च वा अप्रिलबाट हामी संचालनमा ल्याउँदै छौं । त्यहीं समयमा निमायक निकाय एमएचआरएबाट अनुमति पाउने आशा छ । धेरै प्रभावकारी र सुरक्षित कोभिड-१९ खोपका रुपमा रहेको नोभाभ्याक्सले बेलायतमा फैलिएको कोरोना भेरियन्टलाई नियन्त्रण गर्नेछ’, नोभाभ्याक्सका मुख्य अनुसन्धानकर्ता प्रोफेसर पाउल हिथले भने । नोभाभ्याक्स फ्रिजको नियमित तापक्रममा भण्डारण गर्न सकिनेछ।
