लन्डनमा एक नेपाली सेफको हत्या, नेप्लिज सेफद्वारा दु:ख व्यक्त

लण्डन । बेलायतको लण्डन नजिक इस्टकोट ट्रेन स्टेशनमा एक नेपाली बिक्रम केसीको हत्या भएको छ । इस्टकोट अन्डरग्राउन्ड स्टेशनमा गत आइतवार राति १० बजे अज्ञात समुहरुवीच भएको झडपमा उनको मृत्यु भएको हो ।
काठमाण्डौं घर भएका ३५ वर्षीय केसी इस्टकोट अन्डरग्राउन्ड नजिक बसोवास गर्दै आएका नेप्लिज सेफ एसोसिएसनका संरक्षक तथा एनआरएनए युरोप उपसंयोजक कृष्ण तिमल्सेनाले जानकारी दिए ।
घटना लगत्तै पुगेका प्रहरीका अनुसार उनी माथि आक्रमण गर्ने एक जनालाई गिरफ्तार गरि अनुसन्धान थालिएको गरिएको छ । एक इन्डियन रेन्टुरेन्टमा काम गर्ने केसी कामबाट आइतबार  फर्किएका बेला उक्त घटना भएको हो ।
युरोप उपसंयोजक तिमल्सेनाले केसीको निधनमा गहिरो दुःख व्यक्त गर्दै सामाजिक संजालमा फोटो समेत सार्वजनिक गरेका थिए । उनकै पहलमा केसी बेलायत आएका थिए ।

यसैवीच, नेप्लिज सेफ एसोसिएसन युकेले हत्याको भत्र्सना गरेको छ । एसोसिएसन युके अध्यक्ष दधि आचार्यले केसीको हत्याराले कडा भन्दा कडा सजाय पाउनु पर्ने र पीडितले क्षतिपुर्ति दिन संस्थागत रुपमा पहल गर्ने जानकारी दिए। कोरोनाका कारण प्रत्यक्ष भेटघाट हुन नपाए पनि संस्थागत वा व्यक्तिगत सहयोगका लागि पहल भैरहेको आचार्यको भनाई थियो ।