बिहीबार, माघ १५ २०७७ | Thu, January 28, 2021
नेपालको समय: ०२:३९ | UK Time: 20:54

इङल्याण्डमा ‘जीसीएसइ’ र ‘ए’ लेभलको परीक्षा रद्द

वीनेपाली
२०७७ पुष २२ गते १४:०४

तस्वीर बीबीसी

लण्डन । कोरोना संक्रमणका कारण बेलायत सरकारले इङल्याण्डमा यस वर्षको ‘जीसिएसइ’ र ‘ए’ लेभलको परीक्षा रद्द गर्ने निर्णय गरेको छ ।

बेलायतका शिक्षा मन्त्री गेभिन विलियमसनले बुधबार बेलायती संसदमा बोल्दै सो जानकारी दिएका हुन् ।

उनका अनुसार यसवर्ष विद्यालयहरुले नै विद्यार्थीहरुलाई अंक दिनेछन् ।

गत वर्ष पनि यी दुवै परीक्षाहरु रद्द गरिएका थिए र सरकारले तयार पारेको अलगोरिदमका आधारमा अ‌ंक दिएको थियो । तर व्यापक विरोधपछि शिक्षकले दिएको ग्रेडलाई मै मान्यता दिइएको थियो ।

‘अलगोरिदम भन्दा शिक्षकलाई नै हामी विश्वास गर्छौं’ उनले भनेका छन् ।

बेलायतमा विद्यालय तहको अन्त्यमा जीसिएसइ र कलेज तहको पढाइको अन्त्यमा ए लेभलको परीक्षा हुने गर्दछ ।

दुवै तहका ग्रेडका आधारमा कलेज तथा विश्वविद्यालयमा विद्यार्थीहरुले भर्ना पाउने भएकाले उनीहरुको जीवनमा महत्वपूर्ण स्थान राख्ने गर्दछ ।

वेल्समा यसअघि नै यस वर्षको ए लेभल र जीसीएसइको परीक्षा रद्द गर्ने निर्णय भइसकेको छ ।

स्कटल्याण्डमा पनि हायर, न्याशनल ५ र एडभान्स हायर परीक्षा रद्द भइसकेका छन् ।

 

प्रतिक्रिया

सम्बन्धित सामाग्री

फेसबुक