कोरोना र निमोनियाका कारण तनँहुका २७ बर्षिय युवाको पोर्तुगलमा निधन

पोर्तुगल। निमोनियाका विरामी रहेका तनँहुका २७ बर्षिय एक युवालाई कोरोना संक्रमण समेत भएपछि  लिस्बनमा निधन भएको छ । कोरोनाका कारण पोर्तुगलमा ज्यान गुमाउने उनी  दोश्रो नेपाली हुन् ।

पोर्तुगलमा २९ बर्षमुनिको उमेर समुहमा कोरोनाक कारण ज्यान गुमाउने उनी नवौ व्यक्ति हुन्। १९-२९ बर्ष समुहमा कोरोनाका कारण ज्यान गुमाउने उनी छैठौ व्यक्ति रहेको स्वास्थ्य महानिर्देशनालय जनाएको छ ।

उनको शव अहिले साउ जोसे अस्पताल, मार्तिमुनिज, लिस्बनमा राखिएको छ। उनी यसै बर्ष पोर्तुगल आएका थिए । उनको अन्तिम संस्कार पोर्तुगल मै हुने श्रोतले जनाएको छ ।

पोर्तुगलमा  २९ डिसेम्बरमा मात्रै कोरोना संक्रमणका कारण ७४ जनाको ज्यान गएको छ भने ३ हजार ३३६ जना नयाँ संक्रमित फेला परेका छन्।

पोर्तुगलमा कोरोना संक्रमणका कारण हालसम्म ६ हजार ७५१ जनाले ज्यान गुमाईसकेका छन्।

त्यस्तै कोरोना संक्रमितको संख्या ४ लाख २ पुगेको छ। कोरोना संक्रमणबाट उपचार पश्चात निको हुनेको संख्या ३ लाख २७ हजार ७९४ रहेको स्वास्थ्य महानिर्देशनालयको पछिल्लो तथ्यांक छ।